نبض الإحساس .. سجّل احساسك في هذه اللحظه

[بيبرس العماني]

‏ليت العمر مسجد والأيام ركعات
وياليتني لا تبت ماعيد ذنبي
"
مهما تجرب من شعور الملذات
ما فيه أجمل من شعور المصلي
"

[حبي خالص]

يسعد صباحك يا بعد نبض مغليك
ويسعد صباحي لا طرت لي عيونك ..

لبى غلاك ولبى قلبك وطاريك
ولبى خيالك في خيالي وكونك ..

[بيبرس العماني]

ليا من صكتك دنياك
لا تيأس ولا تهتم
ترى من بعد ما تعسر
أكيد الله بيفرجها

وأنصحك لا عزت للشور
ضعاف نفوس لا تلزم
صحبة ما تورث غير
دروب وصعب تنهجها

بيبرس

[بيبرس العماني]

‏ليت آلديآر تــقرب آللـي يحبون
حتى تجي ديره على جــنب ديره
.
وليآ آطلعو عقب العصر يتمشون
ڪلن يكحل نـآظـره مــن عشـيره !!

[بيبرس العماني]

‏ليت الوفا سلعه لها الناس تشــري
‏كان اشتري بعض الوفا وامنح الناس
‏
‏بس الوفا فطـره مـع الــدم تجري
‏ماهي صناعه بالخواطر والاحساس

[ورد القرنفل 1]

للبال روقه ودومه رايق(ن) بالي
وارقّص الحرف وبه اسجع واغنّي به

وللكل اهدي عقود اللؤلؤ الغالي
وجمّ المشاعر لمن روحي تنادي به

الراقي اللي بقلبي شامخ(ن) عالي
سيد العذارى .. رقيق الصوت يزهي به

له ضحكة(ن) آآآه ياويلي وضنا حالي
ولا هوتغنّج اموت اموووت واحْي به

اهديه عمري وحبي ومامضى وتالي

ولو يطلب الروح .. تتنفّذ مطاليبه

في زحمة الناس كم طيفه تهايالي
ولا خيّم الليل ياما وكم اهذي به

هو سيد القلب والمحبوب والغالي
وللموت احبه وله اهوى واداري به

[حبي خالص]

‏تـوهہ الصباح ينشـدني عـن عــيونــك
مايدري آنك معي ف القلب من بـدري

صبحني بالرضـآ ، و آلحـب ، وجنونـك
وشلون مآ ينشرح في ضحكتك صدري

[حبي خالص]

هبت .. علي الذكريات و تلعثمت !
يا ذكرياتي .. بس ! يا ذكرياتي ..
ابلغ .. كلام يقال في سيرتك ، صمت !
يا ابرز حدث .. شكّل .. ملامح حياتي..~

[حبي خالص]

ياليت من ودي عيوني تشوفه ~
آلقآه وآقف بين رمشي ، ورمشي ~
ويآليت من جآرت علينآ ظروفه ~
نلقآه لو صدفه مع النآس يمشي

[حبي خالص]

تعـال يا زيـن .. وإجمع فيـني ( أوراقــك )
بعثرت بَ : ( غيابك ) الصفحات لو تدري !!

صفحة غرامـك .. بليلـي تنـطـر ( إشـراقـك )
والشوق فاحت دلالـه .. والهـوى يجـري !!