•• شــو تقــول للي في بــالكك ••

[حبك وطن]

.
.
عقيم حلمي عاشر الوقت ما جاب
إلا ملامح فرح تشبه لحزني

ياحلم خاطر طفلتك منك ماطاب
لو ترسم سنين التعب فوق جفني

وأنا صرير الصبر بأطراف الأبواب
معبر ولا به طارق إلا خذلني

أحمل نعش حظّي على متن الأعصاب
واطوف به حول الفرج ماقبلني

ياذا القدر يكتب مشاويري غياب
ليته على طول المسافه أجرني

علّمتهم كيف الوفا يجمع أحباب
وتجمّعوا ما احدٍ بعدها ذكرني

وعلّمتني إن الأمل يصنع أسباب
ونسيت إن العمر ماينتظرني

بين احتمالات الفرج حظ كذّاب
راود ملامح فرحتي مالمسني

وبين الشعر والجرح قدسيّة أصحاب
مثل عيوني والسهر لا ثملني

عظيم جرحي عاشر الواقع وجاب
ملامح أنثى تشبه أشباح حزني



.

.

[وريث العز]

لاتحقر صغارك ..صغارك أماني
في عيون اللي يحبّك .. يا كبرها
ضحكتك هذي اللي مدّتها ثواني؟
لي ثلاث سنين وانا منتظرها

[حبك وطن]

من عذابي قلت لعيونك هلا
ياهلا بك ياعذابي ياهلا

[امنتك الله]

من يعرف . . جروح المسا ؟
والشمس في حضن الزوال

غير " الكثير " من النسا ..
وغير" القليل " من الرجال !

[وريث العز]

ما للعتاب الا صدور المناديل
ولا وداع إلا الوداع الغصيبه

[الونيس55]

انت غير الناس عندي انت عندي شي كبير
كيف اصبر وانه شايف ناس من حولك كثير؟
وانه (احبك) واقولها لك كلمه خليها في بالك
انه مالي اي عاشق انه لما اعشق اغير

[حبك وطن]

تعال رتب فوضوية " حنينـــي ...
عشان أرتب لك جميع ، امنياتي !
لا قلت وينك قصدي اقول .. ويني ؟
لاني بعدك اضيع بـ أربع جهاتي

[امنتك الله]

آقسى مصيبه بالزمن تنفـرض لك
مـوت الوفا في واحـد واثق فيــه

واللي يسبب حيـرتك وآلمـرض لك
زود الجفـا مـن واحــد كنت تغليه

[حبك وطن]

في حضورك صابني صمت الحروف
لــين .. صــحّيت الجــروح الغــافيــه !
كنّ عينـي قبــل اشـوفـك ما تشــوف
بسـمـة شـفاتـك .. تجيـب العـافيــه !

[وريث العز]

ايه اسكنيني واقطنيني كلي
لجلك اصير الكوره الارضيّه

ابي اصير بكل عرق بجسمك
واهددك بالنوبه القلبيّه