•• شــو تقــول للي في بــالكك ••

[أميرة بخطوتي]

والغلا : إحساس إلى حد الخيال
والعشق : لا شفت معشوقك تطير

[أميرة بخطوتي]

والجفا : إعكس مفاهيم / الوصال
والوصل : يعني تأكد فيك خير

[أميرة بخطوتي]

والعقل : تسفه أقاويل الجهال
والجهل : إن قلت عن نفسك كبير

[أميرة بخطوتي]

والخطر : لا صار ما عندك مجال
والبلا : إن صرت معدوم الضمير

[أميرة بخطوتي]

والعجب : لا صرت تسأل منهو قال
والتعب : إن كنت تبحث عن مصير

[أميرة بخطوتي]

الغنى : بالنفس ما هو راس مال
والفقر : من كان .. بأعماله فقير

[أميرة بخطوتي]

يكفي يكفي .. أسئله إنهي الجدال
ويالله علمني عن .. السر الخطير

ما أبي تضرب لي في غيرك مثال
قول : عنك وإعتبر سرك في بير

[أميرة بخطوتي]

جات طعنه من جنوبك والشمال
يعني وضعك بين من حولك خطير

[أميرة بخطوتي]

صاحبي وإن ضاقت بعينك ليال
لك فرشت القلب مفروش الحرير

[أميرة بخطوتي]

في [ بلاد الحلم ].. ممنوع العقال
والمصيبه الشعب ما إختار الأمير