رد مع اقتباس
صباح الخير وكل الخير من اجمل صباحاته ..
أصبحنا وأصبح الملك لله والحمد لله ولا إله إلا الله والله أكبر ولا حول ولا قوة إلا بالله العلي العظيم..
وابتدأ صباحي بكسل شويه بس خلصت سريع ورحت الجامعة وفجأه لقيت تلودي كاشخ راجع من عمان وجاي الدوام يدور جدول ضحكني 😂😂😂 .. المهم صبح علي قالي وين ألقى الجداول مالنا تعرفي؟ مسكين تلودي حاسب نفس ايام اللغة قلت له ما في تلودي جدول للفاونديشن ما اذكر عندهم جدول يعلق شيك أونلاين قال ياخي فوني منغلق ما فيه تعبئة المهم فتحت له رقمه الجامعي من فوني ودورت على الجدول حجه كان أشوف ما عنده جدول قلت له كيف تلودي ما عندك جدول انت مسوي انرولمت قال لا ما سويت شيء قلت له واشيبي روح المكتب الفلاني تلقى وحده شعرها احمر بتساعدك مسكين ما عرف قال ياخي وين عاد قلت له تعال معي خذيته لها وخبرته شو يقولها عشان لازم ما اتأخر عن كلاسي عندي كلاس فيزياء ما اوكية نخرب السمعه من أول يوم هههه .. المهم تلودي ضحكني مره بسؤاله يقولي كيف عرفتي احد من الصعايدة جاي ترا انا ما صعيد تو قلت لا ما عرفت بس ترا انا اشك انك ما صعيدي مخلص يوم تسجيل المواد وجاي تدور جدول معلق وابيليه عليك ههههه جلس يضحك قال ترا تعرفي ما فضيت أتمشى في عمان كنت .. قلت له ناسي عمرك انك عندك دراسه هنا مستمع هناك قال شويه مع الاهل هههه قلت بس حلو لو سألتك هي عن سبب تأخيرك لتسجيل قولهم مسافر ما عندنا نت في عمان ههههه .. وعاد رحت كلاسي ياهو غثى تعبت تثاوبت 100 مرة أستاذنا هندي ويلعي المهم الدرس مش كثير صعب ولكن الايام الجايه بتثبت لنا لان بس حاليا ندرس ميكانيكا وبعدين نتطرق لدراسة القوة والتذبذبات والاصوات ونحللها والاضاءة والله يساعدنا عاد .. عندنا اليوم كلتشر كان سمعتوا فيزياء تدرس ككلتشر المفروض ندرسها تتوريرس المهم ما علينا بعدين عندنا لاب مرة فيزياء تخيلوا 4 ساعات أدرس فيزياء نفس اليوم الله كريم بس ..بخلص اليوم 5:30 عاد ببدأ الكلاس 3:30 الله المستعان عما يصفون .. لا بعد ما في بنات في الكلاس غيري حسيت نفسي ولد نعم من كثرت البنات الي فالجامعة ولا بنت معي كيف كذا ما أعرف ان شاء الله في الكلاسات القادمة يكون معي بنت يا رب ..
رواية همس
