نبض الإحساس .. سجّل احساسك في هذه اللحظه

[ثابت الخطى]

لا اضحكت لي قلت ياحلو الحياة
ولا ازعلت مني انا كلي لهـا

ما كتبت الشعر لـ عيون البنـات
ما كتبته غير .. لـ عيـون المهـا

[العميل9]

بعض البشر ينفعك حتى كلامه
تحس فيه الصدق كنه يواسيك


لانه رفيع الراي يرفـع مقامـه
عن الهروج الزايفه لو يحاكيك

تاخذ من هروجه حكم وانسجامه
وتحس كنه لك ( رفيقٍ مواليك

[العميل9]

قربك من الطيّب لنفسك كرامه
وبعدك عن اللي مايودّك شرف لك




مالك ومال اهل الحسد والرخامه
خلك مع اللي لانصيته وقف لك

[ثابت الخطى]

غيبتك ي ترف الصبا مدري ش سميها
مير الوكاد ان الحشا ي صاحبي ضامي

طعنتني ، يا حي هالطعنه و راعيها
وما مت من طعنتك ، لكن ماتت احلامي

[العميل9]

ياصآح أنا والهم ضيفي من الـعـام
هـمٍ يضيف وهم لا ضقت ضفتہ

ماغـير اساير بالأمل حلم واوهآم
وأسمع بدربٍ للفرح ما عـرفتہ

عـزي لمن مثلي عـثر / بس ما قام
يسقي من زهور الـعـنا ما قطـفتہ

[ثابت الخطى]

في هـ الزمن نخلف جميع المعايير
نستخدم الموجب على طول سلبي

الغرب يقطع بـ التطور مشاوير
و حنا سوالفنا لـ هالحين .. ( ببي )

[العميل9]

القلوب آسرآر ؛ و آلدنيـآ عـبر
و آلعمر لو طـآل تـآليه آلـرحيــل
و آلخوآطـر كسرهـآ ..مـآله جـبر
لو يعيـد آلـوقت مآضيه آلجميــل"
لـ جولاتي ..

[ثابت الخطى]

بعض الوجـــــيه نشوفها كل ليله
لاشوق لاموعد ولاكنها اقدار

وبعض الوجيه تغيب غيـبه طويله
لاكن لها بالقلب حشمه ومقدار”

[ثابت الخطى]

يفداك كل العمر ودروب ترحالي
ليتك مثل ماأذكرك بالخير تذكرني

[العميل9]