لا تخل الشك مفتاح ويضيع
كم وصل هدمه الشك وفناه
وكم خل ينكر بخله صنيع
وكم ظن يحرق احلام الشفاه
إن عراك الشك لا تحكم سريع
هو من الشيطان لا تتبع نباه
وإن تبعته صرت له خادم مطيع
ما تشوف إلا الرزايا والدناه
وإن صحيت بغفوتك فعلك شنيع
ما جنيت إلا الندامه من وراه
شوف سوء الظن لي خذته يبيع
صاحبه ب الجور يا فعله ورداه
لا تخل الشك مفتاح ويضيع
كم بيت هدمه الشك وفناه
كم مبتسم يخفي ورى ضحكة السن
غلٍ ..يخلي 'محسن الظن'،مسكين
ماتت بنا حسن النوايا ،ويمكن!!؟
بـ سوء ظني.من 'هل الغِل ' تحصين
يسود سوء الظن في معظم الناس
وشمس النمايم ياسعد مالها فيّ
لو انك اتسلم على بعض الاجناس
قالوا ،،، ترى ماسلم الا يبي شيّ
