اشتـري نـار قـربك لو فـراقـك سعـاده
أرهـن العمـر كـله لجل اشوفـك ثـواني
كـــل ما زاد بـعــدك زاد حــبـك زيــاده
مـا نسيتـك حبيـبــي لـو زمـاني نسـاني
الإراده سـلاحـي وانـت مــعـنـى الإراده
كـل ما عطـيـت قلبـك اشعـر انه عطـاني
الفــؤاد وسكنـتــه ما يـفـيــدك عـنـاده
كيف تقبـل عـذابي وانـت مصــدر حنـاني
كـان جـرح المشاعـر سَـر قلـبـك وفـاده
راحتـك عنـدي اغـلـى لـو تمـوت الأمـاني
عطنـي احـزان قلـبـك وخـذ منـي وداده
عـش حياتك سعيد وخـل غيـرك يعـاني
الحـزن ما خلـق لـك خل الأفراح عـاده
ابتسـم يبتسـم لي يـا حـبـيـبي زمـاني
رد مع اقتباس
!
