$$ يبيع اسرارة $$
يا قلب وش علمك تبيح بخوافيك
ما فيه مثلك من يبيع اسرارة
لا تحسب اني بالنصايح معاديك
عزالله اني محسنٍ في اختيارة
راع الدنس لا تقربة في مماشيك
دام على الثنيات تطول اشبارة
لا تاصلة ولو قريبٍ يراضيك
خله بعيدٍ مندفن في اغبارة
و ابحث عن الي نخيته يلبيك
قرناس يفهم طلبك بالاشارة
ثم انتبه بعض المخاليق يغريك
الي يتبسم لا جلست بجوارة
ما كل من يضحك من الناس يغليك
ولا كل من بشر يريد البشارة
و شخصٍ ليا شافك مريضٍ يداويك
و شخصٍ تمنى طيحتك وسط نارة
اهل الشهامة بأغلا الاثمان تشريك
ولا الردي دايم يبيع بخسارة
رد مع اقتباس
'
