ساقتني الذكرى على ذيك الايام
وابحرت في ذكري الليالي القديمه
يومن عمري دون خمسة عشرعام
والنفس من كثر المشاكل سليمه
ماكنت اخاوي الليل والعالم انيام
كنالسهر عندي من اكبر جريمه
ماكنت اعاني هم وجروح واوهام
كن المشاعر من خفوقي عديمه
اقوم من صوت المؤذن لياقام
مرتاح مع شوف الصباح ونسيمه
اكبر طموحي البس اشماغ بسام
واروح به لاصارت اقرب عزيمه
وعلى تراب الارض بالعود رسام
رسم الطفوله والقلوب السليمه
واليوم دار الوقت وبالوقت منظام
شفت العجايب بالليالي العظيمه
شفت القرايب تزرع اشواك والغام
وعلاقة الجيران ماهي حميمه
ماتت مابين الناس وصلٍ بالارحام
والاخو صار اخوه ضد هوخصيمه
والكذب شاع وراعي الصدق ظلام
وكثر الكلام وكثر هرج الشتيمه
ان كرهو حطو خطاك كنه ادهام
ولامن بغوك ابدو قلوبن رحيمه
حتى اللي بقبره غداء جسمه اعظام
ماسلم من راعي الكلام بنميمه
ماشفت بينته على رووس الاقلام
والعمر يمضي والليالي مقيمه
العمر محدودن وتال العمر خااام
وياارب تجعل خاااتمتنا كررريمة.
رد مع اقتباس
