السلام عليكم
موضوع جدا جميل
رمضان بالسابق غير عن الوقت الحالي
قبل كان تجمعات الناس بعد صلاة التراويح
احين فقدنا هالعاده بعض الشي
كان لازم نذوق الجيران من طبخنا وبالوقت الحالي موجوده العاده لكن نااااااااااادره
من أجمل ذكرياتي انا ولله الحمد بديت صوم شهر رمضان من صف أول ابتدائي
وكان بذيك الايام رمضان يصادف بأيام مدرسه
كانت أمي الله يرحمها وأخوي يجوا معاي للباص يحاولوا يقنعوني اني اخذ مصروفي المدرسي
وأنا ارفض اقولهم لا أخاف تقولوا اني فطرت بالمدرسه هههههه كنت غبيه ههههههه والا حد يرفض
كل يوم نص ريال طيب خذي وجمعي لنهاية الشهر بكون هاموره وانا مره رافضه
ومن كبرت اشوي جلست اقولهم يالله عطوني مصروفي اللي كنت ارفضه بأول سنه صوم
كانوا يضحكوا ويقولوا خلاص راحت عليك الفرصه ما تتكرر أهي أهي