سرقتك بـ الزمن لحظه و عشتك بـ الفراق اوقات
كذا يعني .. كذا فجأه .. تغير كل شيً فات
كذا زالت مواثيق الغلا و الحب من ذاتك !!
كذا كنت .. كذا صرت .. كذا خيبت الهقوات
كذا .. والا كذا .. ضيعت دروبي وخطواتي !!
انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!
نسيتك والوفا زادي .. رحلت والقلوب اشتات
مصايب والرجا خايب .. تقود خطاك رغباتك !!
سرقتك بـ الزمن لحظه و عشتك بـ الفراق اوقات
ولا ادري وش بقى لي بالعمر من دون لحظاتك !!
أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك !!
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !!
تظن الوفا كلمه عجب واصل الوفا وقفات
صغير الشي في ظنك يصير اكبر معاناتك !!
ذكرتك .. والدروب اللي تعانق خطوتك بالسكات
وانا ما زلت اسافر بين نظراتك وضحكاتك !!
ذكرتك .. وانطفى جمر الكلام وذابت الشمعات
سهرتك و استفزيت النجوم بليل خصلاتك !!
تعال .. واذرف دمعك على قلبٍ.. كثيره مات
تعال .. وخذ الباقي يفيد..... لوقت عزواتك !!
تعال .. لا تخلي السنين المقبله........ تقتات
من افراحي ولحظاتي وطرباتي .. وضحكاتك !!
تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!؛
رد مع اقتباس
المشاركة الأصلية كتبت بواسطة ثابت الخطى
'
