فيني خليط اشواق مع لوعة افـراق
اعيشــــهـا مابيــــن ضايــــق ورايــــق
فيها الغلا مع صادق الـود ينسـاق
وفيها الغموض اللي يشب الحرايـق
للي غيابـه محرقـاً قلبـي احـــــراق
شحت على وصله جميـع الطرايـق
قربه مسافه ينثني دونهـا السـاق
وبعده حسافـه تستبيـح الوثايـق
من وين مدري كيف تجميع الاشواق
لا صـــار في دربـــي ثمانيـــن عايــــق
ظلم البشر مغرور والوقـت سـراق
والصبـر للمحتـار ماهــــو بلايــــــق
سواد ليلي مارحم طيف الاشـراق
اغتالت الظلمـا شمـوع الحدايـق
اكتب وجف الحبر في عيون الاوراق
يالله دخيلك مـن عيـون الخــــــلايـق
ياعاذل المجنون من خاطـراً ضـاق
هون ترى المجنون ماهـو بفــايـق
والله تبي تشتاق لو منـت مشتـاق
لا شفت من بعض الحقايق حقايـق
وتصير كلك كومة اشـواق وفـراق
وتعيش مثــــلي بين ضــــايـق ورايــــق
رد مع اقتباس
المشاركة الأصلية كتبت بواسطة لاند977
