المسافه
اقسى ما يطري وبال البال ساهي
وأكثر الأشياء مخافه
لا غدت كلمه تحاشها الصدور
وتاخذ البال وتدور
تاخذ البال وتدوووور
تاخذ البال وتدوووور
وتكبر اكبر من حسافه
وتوجع أوجع من كسور
فاضت عيون السماء من هالحنين
وكف نادي
وحلم لكن حلم غادي
وطعم ذاقته السنين
يا كثر ما مرّت ايامي بعيوني
ناس واجد
يا كثر ما صرت احس بقلّبي
بين ضلوعي ساجد
واتركه منّه لربّه
واسمعه : يا رب احبّه
ويبكي شوي ويناااام
ويا وجع نوم الحزين
لا درى بـ إن احد شافه !!
مثل ما انّك على قد السوالف جبتني لأقصاي
.............. تجيبك لي النوايا أشباه .. لين اجمّع ظنوني
وانا عندي النظر يطوي الفراغ وتستريح خطاي
.............. لاني من زمان ازرع صدق والناس يجنوني
هذاك اوّل .. وأنا اسمّع شوارع حيّنا مغناي
.............. الين انّي صمخت إذن الحمام وطيّر لحوني
احط ايدي إلى ضاقت علي سنيني : بمخباي
........... واظل انفخ هواء صدري /اصفّر /ارجع بدوني
لانّي كنت .. الى منّي سمعتك تنتخي دنياي
............. اروح اكسر لجل تهنا .. خواطر ناس يغلوني
اجل لو كنت ما تدري فأدر وسولفه للماي
............. عشان اليا مشيت اذكر بأنك اوضح طعوني
تلمّستك طهر .. وادري بإنك كل يوم براي
........... وذي غلطة عمر تنهش بقلبي وتنزع جفوني
ولكن لك اجر إنّي عرفت اصحابي من اعداي
.......... وعرفت اللي اهم اني اشوف الموت بعيوني !
المسافه
مثل من يتلمّس اطراف الحياة
والعمى هدّد كفافه !
لــ / صالح عبدالكريم'
-
رد مع اقتباس
المشاركة الأصلية كتبت بواسطة العميل9
