-
امتلا : صدري طعون .. وصرت كـ العرجون ذاوي
اتنهت حزن ، وانفث دمع .. واتلحف سماء
كل شيء استطعمه ( علقم ) ، وانا ماعدت قاوي
تسهر احلامي : طموح .. ويصبح الواقع هباء
انتظرتك لين صار الدمع ، والضحك متساوي
ارتكبتك .. لين صار الجرم في رتبه : عداء
من غيابك ، هالمكان تلفه الاحزان .. خاوي
انكسر فيه : الفرح والحلم .. واجهش بالبكاء
من غيابك ، صرت مثل : الجفن .. لـ الموت متهاوي
اتقاطر .. دمع ، والاكفان ف : اطراف الرداء
من غيابك .. شوفي الدنيا سكون وماتساوي
كنها في وسط عيني ، طفل : واعياه العراء
شوفي .. الاوجاع تصدح ( آه ) وتمتم شكاوي
شوفي .. عيوني كئيبه ، رغم كل : الكبرياء
ماكسر خاطرك حزنٍ ، في ملامح هـ / النداوي
ماجبر خاطرك عاشق .. قدم انفاسه : فداء
ارجعي ، بـ ارسمك تفاحه .. وبـ اصير غاوي
بـ اقطفك .. حتى لو ان الموت ، مكيال الجزاء
هذا انا .. من يوم توديعك ، الى هـ الحين : ذاوي
اتنهت حزن ، وانفث دمع .. واتلحف سماء
رد مع اقتباس
المشاركة الأصلية كتبت بواسطة عملاق الشعر
'
