كـل القصايـد تنحني عنـد رجليــك
وأجيبهـا لـك يـا بعــــد كل غالــي
أحيا على قربك وصوتـك وطـاريــك
ودي بشـوفـك كـل لحظـــه قبـــالي
والله أحبك حـب من قـلب مغـليـك
ويـزود حبـك مـع مـرور الليــالـي
أحلـف بـرب البيت مـانيب ناسيك
وشلون أبنسى دنيتي ورأس مالـي
ودي أحطـك في عـيونـي وأغطـيــك
ودي أنا اللي بـس أشوفــك لحالــي
وماودي عيـــون الخـلايـق تـراعيـك
أخـاف تــلقى لـك حبيبــن بدالــي
حتى الهوى لامـر من بيـن أيـاديــك
أقـول هـذا وش يبــي فـي حلالــي
أنا بمنامي ياهـوى القـلب أنـاديــك
صــورتــك دايـم مـاتفــارق خيــالي
إن غبت عن عيـني بقـلبي ألاقيــك
وأن رحت عن قلبــــي فيا عز تـالـي
رد مع اقتباس
المشاركة الأصلية كتبت بواسطة ندى الوورد
