غريبه حيل هالدنيا تفرقنا بدون شعور
ولا ترحم ولا تعطف ولا تقدر صداقتنا
صحيح ان الزمن دوار وايام الزمان تدور
صحيح ان الوداع صعب وهو اعظم مصايبنا
توادعنا، وتفارقنا، ومشينا جنب ذاك السور
جميله أيامنا كانت سعادتنا وشقاوتنا
أحد ينسى هذاك الصووت المعروف والمشهور
يصبحنا بتهزيئه ويقول*: إسمعوا إذاعتنا
وعشان نعصي أوامرهم كنا نأخر الطابور
ونتفلسف وتقهرهم ونجاوبهم بضحكتنا
وتبدأ الحصه الأولى ويجينا المدرس المغرور
نحاول نحرق أعصابه بما تحمله خبرتنا
ويجينا الثاني بوجهه مُبتسم مَسرور
ونقلب ضحكته هم وهاذي هي عادتنا
ننسى المًدرّس والحصه نجاوب ننصب الجرور
نزيد الطين بلّه ونستعبط بإجابتنا
نسولف باأول الحصه نكتب والقلم مكسور
نموه للمدرس ما درى وشهي كتابتنا
نشاغب نزعج ونضحك ولاكن قلبنا عصفور
نسامح غلطه الثاني لجل خاطر برائتنا
أصدقاء يوفقكم إلهي الواحد المشكور
إذا ضاقت بنا الدنيا يساعدنا بمصيبتنا
أصدقاء هاذيك أيام راحت والسنين شهور
فمان الله ولا تنسون مَحبتنا وأخوتنا
رد مع اقتباس
المشاركة الأصلية كتبت بواسطة عملاق الشعر
!
