(( لاتطوّل الغيبه ولك ناس ترجيك
بين الرجا والياس ترجف عظامي ))
يومِ يمر بدون همسك وطاريـك
يصبح علي الصبح كنه ظلامـي
ربيع قلبي يوم اناجيـك
واعطيك واخذ منك حلو الكلامي
يفـز قلبـي وآتخيـل مواريـك
وافز لو انـي بحالـي منامـي
انا عليله منـك مافيـه تشكيـك
ح ــبـــك لجا بين الضلوع الهشامـي
يزورني طيفك وبالحلم انا جيـك
واليا تجلا الليـل راح الهيامـي
مهما يطول البعد مانيب ناسيـك
منساك ياغاية منـاي ومرامـي
يانور عين اللي من القلب مغليك
ياروح روحي ياهواي وغرامـي
لاتطوّل الغيبه ولك ناس ترجيـك
بين الرجا والياس ترجف عظامي
قلبٍ خذيته يابن الاجواد بيديـك
إرفق بخفاق ٍ طـواه السقامـي
يابعد عمري ياعسى الله يخليـك
"طال السهر عقبك .. وطال الظلامي
رد مع اقتباس
'
