ياطيب القلب لاتشره على حـــالي
من بعد فرقاك ذا دربه ومنهـــاجه
بلشت في حب قلبك اول وتــالي
داويت جرح الهوى ولا احتلت في علاجه
ياليت قربك تعذر ماتهيالـــي
سكنت في القلب لكن مابه مواجه
كنت اتصبر واقول الصبر يحـلالي
سبحت بحر الهوى وغرقت بامواجه
يدعيني الشوق لامريت في بالي
والبعد من دون وصلك شيد سياجه
عديت رجم الهوى لكني لحالــي
وسجيت رجلي بدرب ماحد(ن) ساجه
وفي راس رجم الهوى جريت موالي
حسبي على اللي حرمني ضحكه حجاجه
نفسي عزيزه وعيني دمعها غالـي
والدمع لاطاح ماهو يرجع ادراجـه
وش لي بحبك وحبـــك ماتهيالي
النفس طابت ولالي عندكـم حاجه
رد مع اقتباس
