يسعد مساكم / صباحكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ...
ياغــــــايب والقصـــــيد اسمى من انه يندفن فقبور
تـــــــــــــــعال وعــلم صنوف الاوادم فلسفة ساسه
تـــــــــــقل جيب الشعر واقول مابه باسمات شعور
تــــــــــقل كيف الشعور اقول حزنه يحكي احساسه
تقـــــــل كيف القصــــايد في غيابك حالها ميسور؟
على حطـــــــت يدك أقـــــــــلام تملي شوق كراسه
رحلــــــــت وقد رميت الياس فيني من ثلاث شهور
وانــــــــا من قبلها طالــــــــــــبك جفني كثر نعاسه
اذا ماهو على شـــــاني عشــــــان وصالنا المبتور
لجــــل فصل الربـــــــيع اللي فغيابك عاش فيباسه
انــــــــا في داخلي بســـــــــتان يذبل لو جفاه النور
وجـــــــيت انته وقطعت النور عنه والجدب حاسه
يـــــشابه هالحــــزن فيني طفل عايش بلا اي شور
بـــــدا يكبر مع غيــــــــابك وشب الشيب في راسه
تشــــوف الياس في عيني واغطي شوكتك بزهور
لان اللي خـــــــــــــلق فيني الوفى ما قد خلق ياسه
امــــر بحسرتي يم المـــــــكان اللي غدى مهجور
ماغــــــــير الصمت جاوبني حسافه هاجروا ناسه
اجـــــــــــي كلي طموح بكبرياء الشاعر المغمور
اجـــــــــــــي حلمي القلم ومحبتك وسطور قرطاسه
كتبت الشعر من نزف الضلوع وكم بكتني سطور
لـــجل لو مـــات صـــاحبها فدى لـــــعيون مياسه
عـــرفتك يـــوم كنت اسأل جنابك للفراق حضور؟
جــــهلتك يوم قــــلت ان خنصرك ما يشبه اجناسه
وبعـد ما صنت في عينك بضيم التضحيات بحور
ضمى جفني من اسبابك وصاح الدمع ب افلاسه
فمـــان العــــفو يا غـــالي مع انك ما قلت مشكور
ماعـــــــاد الســـــــهم له قيمه مدامك شلت اقواسه
فمـــــــان البعد يا اقــــسى حكايه عاشها عصفور
بنـــــــى عشه من اوهامك وطاح الفاس في راسه
اخوكم / رايق البال
رد مع اقتباس
المشاركة الأصلية كتبت بواسطة ورد القرنفل
