قصيدهـ جديدهـ بعنوان : قدح الزنادي
بديـت بإسـم الله ولـي التدابيـر
يرزقني الحكمة ورأي ألسدادي
عليه اتكالي لي طالت مشاوير
الحافظ عن درب الردا والفسادي
اللي بطيب ذكره تهل التباشير
يكرمني في فضله حـزة رقادي
البال مشغول ٍ وزادت تفاكير
بـ هرجة اللاش حسب اعتقادي
وأنا على النية اسوق المعاذير
ادمح له الزلات واقـول عـادي
لي عادةٍ احشم جنابي عن الغير
حتى ولو اخطا خبيث المرادي
وان عادها مره وصار تكرير
آبا الطم العـايل بقدح الزنـادي
واعلمه سلوم الرجوله مناعير
وبيض النوايا ماترافق سوادي
اما استفاق بالرد وصار تغيير
او حصد زرعه يوم الحصادي
ولاجيت امثل بطوله ومشاهير
لاشك بنصح تايه الراي غادي
وختـامها ربي ولـي المقــاديـر
يكرمنا بالخلق وقول الرشادي
رد مع اقتباس
