يـادمـعــة الحزن مـدري وش بـلـى صـــدري
اتـعـبـنـي الـوقـت..مـدري ضـاقــت أخــلاقــي
إلـى مـتـى والـقـسـا فـي دنـيـتـي عــــذري
والـصـمت هــو غـيـبـة اشـفـاقـي ومشـراقـي
مـا اخـذت أنـا مـن هـبـوب الـسـالـفـة حـذري
مـن قـبـل مـا تـنـتـهـض وتـبـعـثـر أوراقــــي
يـا حـادي الـهــم بـدري سـريـتـك بــــدري
تـــو الـسـهـر مـا اسـتـبـد وطــوّ ق أحـداقـي
لـو يـطـعـن الـوصـل بـرمـاح الجـفا ظهـري
مـا قـلـت يـا وصـل لـيـه اتـجــنـدّل أشـواقـي
لا واهـجــاد الـطـعـون الـيـا نـفــذ صــبري
واسـتـرسـل الحزن يـروي قـصـة اخـفـاقـي
اسـمـع بـه كـل مـا نـادا صـدى شعـري
يــا كــثـر مـا لــوّع عـيـنـي وخـفــاقـــي
مـا دامــه يـنـتـحـب لامـن نــزف حـبــري
وشـلـون أجـل لا بـكـيـت وهـاجـت أعـماقي
تـغـيّـر الـشـوق عـن سلـم الـهـوى جــذري
وانـحـل مـيـثـاقـه عــن كــف مـيـثــاقـــي
شـعـري عـلى شانـه غـنيـت به .. وأدري
إن الـجـفـا وصـمـتـه مـا عـــاد يـنـطـاقــي
يـا نـجـمـه الـلـي بـدا مـن دنيـتي يسـري
ولا خــلّــــف إلا غـزيــر الـدمــع وارهــاقـي
غــرّب وشــرّق وشـتـت بـالـفـضـا فـكـــري
مـتـى عـلـى الـلـه يـــرد ويـطــلـق وثـاقـي
يـا دمعة الحزن كـان ايـهــمـه أمــــري
قـولـي لـه خـاطـري مـن فـقـده ضـاقـي
وقـولـي لـه إن الغـلا مـهـما حصـل يـجـري
بـعـروق جـسـمٍ عـقـب هـجـرانـه شـاقـي
ويـا دمعة الحزن نـاجـيـنـي ولـك شـكـري
لا روّح الخــل قـولــي لـي وش الـبـاقــي
رد مع اقتباس
!
المشاركة الأصلية كتبت بواسطة عملاق الشعر
