النصيحة
يا من تلوم الحظ كيف إنّهْ عليك اليوم مال
شِف كم لحظة في حياتك الزمن ما مالها
النفس لامن قادها فكر وتزيّن بالثقال
لابد في سلمى الدّنيّة تنال بعض آمالها
لا تقعد تولول وتندب مثل ربات الحجال
النفس الرديّة تنعرف لا من سمعت أقوالها
وين العرب يلّي يناطح مجدهم شمّ الجبال
صالت وجالت في الكتب اليوم وين أبطالها
اركب على صهوة فرس ما يتعبه طول المجال
وتحزّم بمحزم رجال وكون صدر رجالها
ولا جيت معتاز المشورة نبّش صدور الرجال
لا تنخدع بشناب ما توزن حروف أقوالها
اتشتت وتبدلت الأفكار في قالٍ وقال
الأيام حرباء لونت فينا صنوف أهوالها
لسانك وجنبها متاهات الجهالة والضلال
واتذكر اليوم الذي نفسك تشيل أثقالها
خلِ العقل ميزان قبل تخوض في أيّة مجال
حتى ولو الأكثريّة تخالفك !! ومالها
احذر من الدنيا لِيَا إنها تناديلك تعال
يا ليت ما قد تنفعك لا حوّطتك حبالها
اسعَ لأجل لم الشتت هذا طريق الامتثال
لا تكون لأية مشكلة مزمارها وطبالها
وليا زرعت الطيب في موضع فلا عنه تسال
باكر ليا نفسك نخت زرعك يجي وينخالها
خذ من زمانك ما يعينك حين توقف للسؤال
ويحاسب الإنسان عن ،، كل كلمة قالها
هذا كلامي والعذر إن كان في نصحي زلال
هذي النصيحة شرعنا قد حثنا نسعى لها
من ثم صلوا ع النبي حبيب ربي ذي الجلال
عد حبات الرمل وعد السحب وهمالها
بيبرس
رد مع اقتباس
المشاركة الأصلية كتبت بواسطة حرف وشعر
