يسعد صباحكم / مساكم
هلا بالجميع ..
لقاء آخر يجمعنا واتمنى ماراق لي يروق لكم ..
شاعر أنا ياحنين الأمس محتاجك
....................... أبغاك لامن طرقت الباب .. تفتح لي !
مشتاق والله كثير لراحة إزعاجك
....................... مشتاق أحسّك مثل ماكنت تفرح لي
ماتذكر الحلم يوم ينام بـ ادراجك
....................... تعال فسّر غيابه ليه !؟ واشرح لي !
مشتاق أداعب بحرك وألمس امواجك
...................... مشتاق ألامس عميقك وانت تسبح لي
تعال واشعل بصمتي كلمة سراجك
..................... تعال لكن إذا ماجيت لك ... رح لي !!
ماجيت أجمّع جروحي قاصد احراجك
..................... جيتك أببكي وابيك الحين تسمح لي !!
بـ بكي على الجوع والموجوع لاداجك
................... بـ بكي على الكون والمدفون في وحلي !!
بـ بكي على الروح والمجروح لا هاجك
.................. بـ بكي على الحب يوم الحب يلوّح لي !!
ياخطوة الحلم نامي وسط ديباجك !
.................. وإلا اتركيني .. وخليّ الدرب .. وارتحلي !!
طابت صباحاتكم ...
اخوكم / رايق البال
![]()