أنـا و الحـب والمطـر
يـــــا بعــيد
المطــر أجبرني اكـتبلك قصــيدة
المطــر هــذي السنـــة..
سوه السمـــا صفحه جديده
نشـــــر صمتي
نشـــــــــرشوقي
..نشـر أحزاني السعــيدة
ردلي دمعــــــــي
ردلي سمـعــــــــي
ردلي حنجرتي الشديدة
المطر أجبرني اكتبلك قصيده
كـنا طق الطـر.. نرجع يهــال
اثنين تحت الجام
نمشي بالعدال
الشوارع خـــاليه
المدينه خــــــاليه
المحبة بليلنا الممطر حــلال
اثنين تحت الجام.. يجمعـنا المطر
اثنين والعالم خضر
كل شي خضر
حتى الإشارة.. وصوتنا.. وماي البحـر
المطـر .. هـذا المغني اللي غنانه
فــرحنا .. بكـانا
خلانه نحب الحـب ..
معزوفة عـلى لسانه
المطـر جـاني .. قرالي من كتــابه
عـزف .. وغنى .. ورقص
سهـر .. وقـال .. وكتـب
قــال الشوارع للكتابه
الشوارع جنه فيها الواحد يصافح عذابه
عزف .. وغــنى .. ورقص
.. وزع شـــرابه
خـله عشب الغابه .. غابه
بدل السكته تحت صدري ربابه
أنا والحب و المطـر..
مني دمعه
منه دمعه
حتى خلينا الجفاف يخون طبعه
وحتى خلينا الصخر يرجع له سمعه
وحتى سوينا من اللاشي له روعه
أنا والحب و المطر
احنا شعر والحب في مليار طبعه
احنا والناس
نازل دمعه .. دمعه
يــابعيده ..
المطر عندي عباده فيها متعه
كنت نجمه شارد مني ..
وانا كـل السمـا .. جنوب وشمــال
كنت أشــوفك فوق..
أوراقي تنام بدلال
كنت اشوفك حلم
يتفسر ولا ينقال
كنت احب انقل رموشك من عيونك الشمس
لعيون الظلام ..
كنت احاول ارسمك مره هلال
كنت أحاول ارسمك مره غزال
كنت احاول بس أصيدك
مره وحده في الخيال
كان صبري
كان شوقي .. كـان .. كان
كـان احتمـالي فوق كل الاحتمـال
طـق المطـر .. وانتفظ قلبي .. تعلق بالطـر
مثل القمر .. لمــا يتعلق فوق اشجــار السهر
حسيــت في دموعي على الشعـر
حســيت في نبضي شعــر
حسيت في دمي شعر
حسيت يطبعـني المطر
ديوان أوراقه خضـر
رد مع اقتباس
!
