سّلة فقير
ذيك النخيل اللي إثْمرت ..من لمْسـة يدينــك رطب
هي نفسـها من لمســتك.. صـارت نخيل/ ن يابسه
شفت السنين الماضية في بطنها تحمل تعــب؟!!
ما هـزّت جـذوع النـّخل راحـت / وتبكي عـابسه
يوم إحْملت في بطنها// حسره.. ونيران.. ولَهَب
طـار الغــرام / اللي بقلبي سنين / عفوا / حابسه
يا عمْر أدري لا سريتْ // مُحال يرجع/ ما ذهب
(أتى المَشيبُ فلا فِرارَ) ..الشّيبْ/ راسـك لابسه
(وإنّي على نَقْض الهَوى) غنيت: يا ليل الطّرب
برتــاح منك يا هوى// بهجر دروب / ن دامسه
حظّي ولمّيته معك.. والسّحب /ما تمطر / ذهب
( سلّة فقير) إمعلّقه/ ..طاحت / بقــاع الطامسه
ليه؟!! السنين الممطره بالروح ما تنبت عشب!!
ما همـّها.. يوم المحل / بالنــاس صارت يائسة
ليه ( الـ أنا ) في داخلي / تمسك طوابير العتب؟!!
ليه الدموع إتوقفـّت ؟!!!.. والا تـراها / يابسه؟!!!
كم ( ليه ؟؟ ) فيني.. حايره / بالله / لو تقدر: أجِب!
السّــورْ // لا منه سقط / ينـصاب منّه / حــارسه
نفس النّخيل/ اللي إثمرت/ في داخلي غصن /ورطب
هي نفسها بذاك السّعف / صــارت حرايق/ عــابسه
للمبدع / جمعه المخمري
رد مع اقتباس
المشاركة الأصلية كتبت بواسطة مجنونك ما يخونك
