كنت تقدر قبل ماتمشي تقول :
[ إنتهينا ] أو تلمّح للرحيل
كنت تقدر قبل تبدا بالهطول
تهمس بْـ إذني : ترى غيمي بخيل
ماتخلّيني على رفّ : الذهول
بين [ ليه ] وبين [ لا لا مستحيل ]
المواني تنتظر لحظة وصول
والأماني صبحَها من غير ليل
لو صعود الجرح .. قابل للنزول
سال في قلب المعنّى : سلسبيل
شف زلازل غيبتِك يابن الأصول
هدّت بْـ صرح المشاعر ألف حيل
قبل تمشي قول عذرك لو يطول
ياخي إكذب .. بال صاحبك طويل
كلّ كذبة مِنْك تستدعي القبول
لو تقول إنّ المربّع : مستطيل :
ياعديم الحِسّ .. إسمح لي أجول
في براح الجرح لو من غير خيل
خلّني بين المحاجر والفصول
فصل خامس .. دمعته عيّت تسيل
رد مع اقتباس
المشاركة الأصلية كتبت بواسطة لاند977
