إستعدي يابيوت الشعـر موقفنـا خطيـر
قامت الغربـان تفـرد فالسمـاء جنحانهـا
ذا يطير وذا يحـط وذا يحـط وذا يطيـر
نوب في روس الجبال ونوب في وديانهـا
ما درت بإن الجبل راسي فالأول والأخيـر
ثابت وما همتـه لـو ناعقـت غربانهـا
والحمول اليا ثقلت ما يبرك لها الا البعيـر
والدروب الكايـده حنـا نعـرف حصانهـا
والخطايا تندفن في قاعـة البحـر الغزيـر
والمعـزه والغـلا مـا سكـرت بيبانـهـا
تستدير أيامنا مثل الرحـى اللـي يستديـر
والبيوت الخايبـه تهـدم علـى سيسانهـا
من زرع خير لخلق الله يجازونـه بخيـر
ومن زرع شر لخلـق الله لقـى عدوانهـا
ومن رفع قدرالصغيروقام في حق الكبيـر
شاخ في العربان لو هي واجـد شيخانهـا
والبلا كل البلا من راس معـدوم الضميـر
النجاسـه وسـط قلبـه تشتعـل نيرانهـا
رد مع اقتباس
المشاركة الأصلية كتبت بواسطة الليدي بسمة
