خبريني ياصبا نجد عن ذيك الديار
في هبوبك تالي الليل لج ابي الحنين
في هبوبك ياصبا لفني ريح العرار
ريحة القيصوم والشيح بيحت الكنين
ياصبا هجتي بمسراك لي فيض ادّكار
فيك شيح (خريم ) وارطه ومن رمث ( البطين )
ياصبا بردك لهيب ، على الاكباد نار
كم غريب ناح ، واهتاج منك العاشقين
خبريني ياصبا وش حصل ويش الي صار
( للجرير) و(طخفة )أرض الحمى والساكنين
خبريني هل جرى سيل ب(الشوكي) وحار؟
هل غدت (نورة) جنان تسر الناظرين ؟
يامرابع نجد والله ماعنك اصطبار
طول دهري ياثرى نجد قلبي لك رهين
يعلم الله ماسوى نجد بالتفكير دار
في خفوقي ياثرى نجد ماغيرك خدين
وين انا واياك يانجد ،يابعد المزار
قاصر الطرف دونك ،وانا في ( خانقين )
للتوضيح ...مابين القوسين هي اسماء اماكن في نجد .. أما خانقين فهي منطقة في كردستان العراق
رد مع اقتباس
المشاركة الأصلية كتبت بواسطة حمد نجد
'
