من علمك طيش الطفل تزعل وانا عمري صغير؟؟
ماتدري إن قلبي طفل وانا الزعـل ماتحملـه؟؟؟
من علمك طبع البشر, من علمك موت الضميـر؟
من علمك ظلم البشر ,فعلـه شجاعـه ومرجلـه؟!
أعلمك كيف الرضـا يكـون مـن واقـع مريـر
وعلمتنـي أن الـزعـل مابينـنـا ماأسهـلـه!
ألـم تعاهدنـي قبـل بأنـك القـلـب الكبـيـر؟
وأنــي عـنـدك أنــا الطفـلـة الـمـدللة.!
ألـم تقـل بأنـك ستـمـلأ الدنـيـا عبـيـر؟
وسـوف تجعـل دنيتـي ألوانـهـا مكتمـلـه!؟
ياصاحي جمر الغضا يسكن ورى الضلع الأخيـر
ياخذ من ضلوعي حطب وقت الحـزن والغربلـه
طيف الشقا يوقظني ,واصبـح لأحلامـي أسيـر
أفـز مـن نومـي وانـا أردد ذكـر البسمـلـه
وجُمع شتـات الأمل,وأقـول أنـا لسـى بخيـر
دام الإلــه خالـقـي ورحمـتـه مشتـمـلـه
ياصاحبي بوحـي قلم.نزفـه بأحساسـه خطيـر
يلملـم جـروح الدهـر,, بعيونٍ متكحلة
أجاري لاضاق الصدر قاف الفـرزدق والجريـر
وأكتـب مشاعـر هالبشـر بصيغـةٍ مفتعـلـه
انثى أنا أكتب شعر وألعب على البحـر القصيـر
ويعجبني إن طال البحر ويعجبنـي وزن المهملـه
رويدك لا تزعل علي ماتدري أن عمري صغير؟؟
وماتدري أن قلبي طفل وأنا الزعـل ماتحملـه؟؟
راقت لي كثيرا
رد مع اقتباس
المشاركة الأصلية كتبت بواسطة حبي خالص
