ﻻ تقطع أرحامك و يشملك الوعيد
وﻻ تخسر الغالي و ﻻ ترخص غﻼه
و أخوك ﻻ تخسره ولو إنه عنيد
يخطي مئة مره و يرجع عن خطاه
و ان كان شد الحبل حاول ما تزيد
إرخيه قبل الشد يوصل منتهاه
وﻻ تنصحه وقت الزعل ما يستفيد
و اعرض عليه النصح في ساعة رضاه
و اليا طلب رأيك عطه رايٍ سديد
و ان ما طلبك الراي ﻻ تبحث خفاه
و اعرف ترى قرب المنازل ما يفيد
و احيان يبدي شي ما ودك تراه
لكن ﻻ تقرِّب و ﻻ تنزل بعيد
خلك على قول المثل حذفة حصاه
و احفظ حبال الود حفظك للوريد
اللي معلق فيه موتك و الحياة
ترى اﻷخو مهما حصل يبقى عضيد
و ترى عيال العم ما عنهم غناة
الناس دايم ما تهاب اللي وحيد
اللي ليا منه وقف محدٍ معاه