سمعتي بطاري الأشواق ..!

[مانسيتك]

سمعتي بطاري الأشواق ..!

يقولون ..

انها تجي دايم مع غيابك .. ومع الصوره وأهدابك
مع هالليل لامـن رحل والصبح ماجابك

يقولون ..

أنها ترى قصة غرامي فيك
وأنها تعيش بصدر مغليك
وانا ياغاليه اغليك
وآشتاق لك .. وآآآحن لك .. وآآآبـيـك


الاّ على طاري الأشواق
نسيت انا ماقلت لك

يقولون اني تخيّلتك سما زرقا
وصوت عيوووونك الميعاد
يقولون أني بكيت أكثر وأبونوره يغني أبعاد

أبعاد

أبعاد

أبعاد

ونسيت الجـرح والفرقا .. ورحـت أشـتااااااق


شفتي اشكثر اشتاق .. هذا على طاري الأشواق

شفتي اشكثر اشتاق .. شفتي اشكثر اشتاق






بقلم
سيّد الجـرح
آهـات فهد
16/1/1434هـ

[الشيخه الفلانيه]

-

يقولون اني تخيّلتك سما زرقا
وصوت عيوووونك الميعاد
يقولون أني بكيت أكثر ,
وأبونوره يغني أبعاد !


جميل جداً ..
يعطيك العافيه بنتظآر جديدگ '

[رايق البال]

هلا فيك مانسيتك ...
عزف رومانسي جدا رائع وللبعيد اخذني معه
الف شكر لهكذا ابداع وصح لسانك لاهنت .. كل الود لك مني
( نص يستحق التثبيت والنجوم الخمس )

["حبك وطن"]

مانسيتك

قصيده راقيه ...بحجم تواجدك الراقي بيننا
صح.لسانك...^^

[روح الحلا1]

نص رائع جدا
كلمات عذبه وراقية
تسلم وربي يعطيك العافية..

[مانسيتك]

أشكركم جزيل الشكر
ولاعدمتكم جميعاً

تحياااتي لكم ،،

[شموس الحق]

سيدي جرح .. بصراحة فتحت جروح لم تندمل بعد بفعل الاشواق .. وآه من طاري الاشواق.. كم هي الاشياء الجميلة في حياتنا غائبة.. وكم هم الغائبون ... وتبقى الاشواق ملاذ آمن وألم جميل .. وكما قال ابو اصيل .. الشوق آه الشوق ياخلي عندي قد بلغ حده.. قوة هذا النص بقوة مفرداته السهلة و القريبة من القلب وكذلك بقوة الصور الفنية الرائعة .. نفخر بهكذا نصوص .. وفقك الله

[فاطمة حميد]

مانسيتك. .....


نص جميل سلس

دندنة لطيفة مع البوح السامي


كل التحايا لمداد كلماتك

خزامى. ......