يــا بـحـر احـبـك واتـمـنـى علـيـلـك
لو كنت هـادي لكـن الفكـر محتـاس
تعـيـش فــي فـكـري ودايــم اخيـلـك
يا بحر غالي عندي اغلا من الماس
الله مـا احلـى جلستـي يــوم اجيـلـك
بعد العصـر يـا بحـر للجــــو نسنــاس
كــم واحــدٍ مـحـروم يـومـك وليـلـك
وكم يوم زرتك واكثر الناس جلاس
لا ضـاق بالـي قلـت يـا الله دخيـلـك
يا الله دخيلك مـن بـلا كـل هوجـاس
يـا بحـر ليـه النـاس تنسـى جميـلـك
لـك فالشعـر نجـده وللشـعـر رواس
كـم شاعـرٍ زارك وقـال انتمـي لــك
واصبح مـع الشعـار يابحـر مقيـاس
يـا مـن تقـول الغـدر عطنـي دليـلـك
البحـر لـه فـي عالـم الحـب نبـراس
البحر ما هـو مثـل صحـراء تهيلـك
تبلشك عج وشـوك وتزيـد الأونـاس
البـحـر مـوجـه لا صـفـق يستهيـلـك
يعطيـك معلومـه يمـثـل لــك الـنـاس
لأن بعـض النـاس لـو هــو زميـلـك
يمكن يشغل لك من الحقد الاجـراس
يا بحر احبك قلت مـا احلـى عليلـك
ما حلى عليلـك لكـن الفكـر محتـاس
رد مع اقتباس
!
