حبيبي ليش متضايق؟!
علامك ليش متضايق حبيبي ياعسى ماشر
عسى ماجاك شئ مني مـن حبيبك كـدر الخاطر
دخيلك شـو اللي خلا دموع العين تتحدر
أمـوت أمـوت بس اعرف دخيلك قول من الآخر
تـرانـي وأن قسـى طبعـي ابـد ماأتحمل المنظر
أنا ماني على شوفة مدامع حبيبي قـادر
أحس بحزن هالدنيا واحس هالقلب يتكسر
واحس الروح من بين الضلوع بقسوة تغادر
أذا كـان الخطاء مـني فـداك الروح وتأمـر
أبيع الـعمـر لاجل رضـاك ياكل الغلا آمـر
أنـا مـقدر على حزنك حبيبي لا أبـد مـاقدر
أذا كان الثمن هالروح بس ترضى أنا حاضر
تقول الـبعد اتعبني يـا ليت الحال يتغير
وزاد الشوق ياحبي هو اللي اتعب الخاطر
فـديـتـك يـابعـد روحي ولاتزعل تـرى مـاقدر
ولازم نصبر ونرضـى مـادام الله مع الصابر
أنـا مثلك ترى مشتاق ويمكن شوقي لك اكثر
ولـكن قلبي يعاند رحى الايام ويكابر
أعشم نفسي بـبـكرهـ متى شمس اللقاء تـسـفـر
ولـو ماشفتها أصبـر عسى تلـفـي عـقـب باكـر
علـى هالحال يـاخـلـي تـرانـي مـثلك مـسـيـر
وأطلب رحمة المولـى تـرى وحده هـو القادر
رد مع اقتباس
