السلام عليكم ورحمه الله وبركاته
كيفكم صبايا وشباب مرتادي السبله العمانيه .. عساكم بصحه وعاافيه ..
جبت لكم موضوع واريد اخذ رايكم فيه .. عن قصه وحده من الاهل ..
هذي الله يسلمكم بنت في بدايه العشرينات من عمرها تزوجت ولد عمها بعد ثلاث سنوات توفى في حادث الله يرحمه .. والله ما كتب لهم عيال ... تمام المهم بعد ما كملت سنه من وفاة زوجها جاء واحد وطلب ايدهاا وطبعا هو عاارف انها ارمله .. وهو من عائله وشغله زين الحمدلله .. بس الاهلها رفضوا قالوا تريدي تفضحينا ؟؟!! تو مكمله سنه وتريدي تزوجي على طول ... ويش بيقولوا الناس عنا ؟؟!!! ما صدقت زوجها كمل سنه وتزوجت على طول !!! ويش عيال عمك بيقولوا ؟؟؟!! انتظري سنه وبعدين يصير خير !!!
وهي نفسها تزوج وراضيه في الشخص الي متقدم له .. مسكينه رحمتها والله .. الشرع قال اربع اشهور وعشرت ايام وهذا أسباب شرعية...
ليش بعض الاهل ما يفكرو في بنتهم بس همهم كلام الناس والناس والناس الي لا يودي ولا يجيب ؟؟؟!!
ورايكم شو تعمل البنت ؟؟؟!!
فمن وجهة نظركم الاهل الي عملوا صح ولا خطأ ؟؟؟
نوروني بردودكم ووجهة نظركم ...