اهمال الناس لصحتهم؟؟؟؟؟ لماذا الاهمال ؟؟؟

[مجنونك ما يخونك]

مراحب اخواني وخواتي


جبت لكم هالموضوع لاني وايد الاحظ ان بعض الناس ما يحبوا يعالجوا ما يخبوا يروحوا المستشفيات يعني انت مريض ليش ما تروح تعالج
دام في علاج ليش لانه في امراض اتجي ابصداع او عوار البطن او عوار الايد والالم بسيطة بس ما تعرف شو النتائج بعدين صراحة انا
جدتي الله يرحمهااا كانت ابدا ما تحب تروح مواعيدها في المستشفى واذا وديناها اتجوم اتصرخ وحالتها حاله بس مع مرور الايام جامت
اتحس بالم في بطنهااا ما راحت المستشفى وبعد اسبوع وهي اتصلي سمعت نقعه في رجولها وصرخت ركضنا حجها انشوفها ما جادره
تتحرك ابدا وبعد ما راحت المستشفى تعبنا كلنا فوق راسهااا اخر شي طلع عندهااا مرض الله بعد الشر علينا وعليكم و هالمرض منتشر
في جسمها كل مره اتجيها الم في مكان والله تفاجئنا بس والله وايد حزنا ع فراقهاا لانه ما كنا متوقعين هالشي ابدا والحين بنات اصغار
وامهات يعاندو ما يروحوا المستشفيات بس نصيحة اذا شفتوا نفسكم جالسين تتالموا او اتجيكم الالم غير عاديه لا تهملوا نفسكم روحوا عالجوا
احسن لكم .... بارك الله فيكم




مجنـــــــــــــــــــــــــــــــونك

[ملك روووزي]

لامن ناحيتي انا ركض العيادات لكن بصراحه م ينلام الواحد يعني مذله بقووووه يروح ويجلس ينتظر او يعطوه مواعيد متاخره واذا لاسمح الله فيه مرض شين يتزايد عنده لحد يجي الموعد .....

[قاتل ضفدع]

المشكلة تروح تعالج يزيدوك مرض

يعني أصبر على مجنونك عن يجيك اللي اجن منه

تمام

[مجنونك ما يخونك]

المشكلة تروح تعالج يزيدوك مرض

يعني أصبر على مجنونك عن يجيك اللي اجن منه

تمام

كيف يزيدوك مرض عيل لا تتعالج اجلس كذا لين ما بياكلك المرض اكل نحن ما نعرف هالعوار شي بسيط
ولا في شي لازم انروح علشان نتطمن

[قاتل ضفدع]

كيف يزيدوك مرض عيل لا تتعالج اجلس كذا لين ما بياكلك المرض اكل نحن ما نعرف هالعوار شي بسيط
ولا في شي لازم انروح علشان نتطمن

يا بنية

انا اتكلم من واقع التجربة
اتمنى ان تنتقي الالفاظ اللائقة

تطرحي الموضوع دون تقبل وجهات النظر
وبعدين كل واحد يعرف نفسه لمصلحته ما تقدري تفرضي رايك .. احترمي الناس حتى تحضي بالاحترام

[قاتل ضفدع]

واذا عندك عقدة نفسية من الاعضاء اللي يستهزاوا بمواضيعك على حد قولك لا تعممي بنتي

[مجنونك ما يخونك]

واذا عندك عقدة نفسية من الاعضاء اللي يستهزاوا بمواضيعك على حد قولك لا تعممي بنتي

اسمع اول شي اتكلم بالاحترام وشي الثاني
ما ضنتي جلت شي مو زين علشان اتقول عقدة نفسيه والله يمكن انت فيك عقده نفسيه ولا تجلس تتفلسف عليه

[يحيائي10]

السلام عليكم ...

شكرا للموضوع
نعم وجب علينا ان نهتم بالصحة والصحه تاج في روؤس الاصحاء


الف شكر

[جـمـيـل الـروح]

كلام جميل وقصه معبره لكل من يكابر في الذهاب الى المستشفي والتاكد من سلامته ,,

ربما كثرة الاخطاء الطبية السبب وراء خوف الكثيرين من الذهاب الى المستشفي ,,

والكل يعلم مدى كفاءة الدكاتره في المجمعات الصحية وربما غياب الظمير في البعض اثناء تأدية واجبة ,,

بوركتي اختي ,,

[اموووره]

موضوع جميييل جداً عزيزتي ..
بس بعض الناس من حقها ما تحب تروح للمشفى وخصوصاً الحكومي وانا منهم ..
بجد في مذله واحيانا علاجهم ما منه فااايده وكأنهم يعالجوك بدون نفس ..
انا اتعالج عن الحساسيه فمشفى حكومي سابقاً ..
بدل لا يوصفولي علاج للحساسيه عطوني ادويه للزكام هع هع ..
عاد عالجت فمشفى خاص وعيادات واحس في تحسن شوي ..
بس اللي ظروفه ما تسمح بعلاجه إلا بمشفى حكومي ما نقول إلا الله يعينه بس ..