مملكة أستورياس كانت أول كيان سياسى مسيحى فى شمال إسبانيا بعد انهيار مملكة الجوث. بعد وفاة الملك رودريجو في معركة جواداليتى و غزو المسلمين. مملكة أستورياس استمرت من سنة 718 لسنة 925
بداية مملكة أستورياس كانت في وسط و غرب اقليم جبال كانتابريا و المنطقة الوسطى من استورياس, أراضي استورياس كان فيها عدد من الشعوب في بداية العصر المسيحي
سنة 689 غزا العرب معظم شمال غرب افريقيا. و بعد انتصار العرب ضد الجرمانيين في معركة جواداليتى فى يوليه 711 م ابتدا المسلمين غزو شبه الجزيرة الايبيرية و عملو امارة او مقاطعة من الامبراطورية العربية سموها الاندلس و عاصمتها كانت فى كوردوبا. بسبب التقدم السريع للمسلمين سيطرو على توليدو أول عاصمة للجوث الغربيين سنة 712 . و بعد كده اتقدم المسلمين لشمال ايبيريا و كل المدن اما غزاها المسلمين أو استسلمت ليهم . سنة 716 سيطر المسلمين على شبه الجزيرة ، لكن سيطرتهم على الشمال كانت بالإسم مش فعليه لان عدد من المناطق فى شمال شبه الجزيرة الإيبيرية بقيادة بلايو نجح فى مقاومة الغزو . و قاوم بعض الڨييثجوث لحد 719 و بعد كده جهودهم راحت للجنب الغربى من جبال البيرينيه اراضى المملكه الكارولينجيه و كان فيه انتفاضات فى المنطقة الخاضعة لسيطرة قليلة فى الشمال الغربى من شبه الجزيرة.
فى سنة 718 اتمرد في استورياس نبيل اسمه بيلايو اسپانى:Pelayo ضد المسلمين لكن فشلت الثورة .فى سنة 722 حاول بلايو مرة تانيه و هزم بلايو و مجموعة من الاستوريانيين من بينهم بعض نبلاء الڨيثجوث , المسلمين فى معركة كوڨاجوندا و أسس بيلايو مملكة أستورياس و دى كانت بداية الفترة المعروفة باسم الاسترداد علشان استعادة السلطة المسيحية في شبه الجزيرة الايبيرية. مملكة أستورياس حكمت استورياس و كانتابريا و ناڨارا و شمال اراجون.
فى الجزء الشمالي الشرقى من شبه الجزيرة الڨييثجوث اللى كانوا هربو لمملكة الفرنكيين طلبو مساعدة من الفرانكس , حتى شارلمان قام بسلسلة من الحملات العسكرية علشان إقامة منطقة منزوعة السلاح المعروفم باسم ماركيز ,و اتشكلت في أوائل القرن التاسع لمنع تغلغل المسلمين في مملكة الفرانكس. و تقسيم الأراضى لماركيزات هو الأسلوب اللى اتقسمت بيه الأراضي الفرنكية فى بلاد كتير, و كان امراء الاقطاعيات من أصل فرنكى أو جوثى بييمثلو ملك الفرانكس
أول عاصمة كانت كانجاس دى أونيس اسپانى:Cangas de Onís و اتنقلت لبراڤيا اسپانى:Pravia وبعدين اختار الفونسو الثانى اوڤييدو عاصمة للمملكة.
رد مع اقتباس
