((((( الشـــــــــــــــــــــــوق )))))

[نسر البوادي]

الشـوق ماله عمر , يفنى وينعـاد
له في الضلوع أن عاد وأن غاب رجفه

مع كل فرقا , له ورى الجفن ميلاد
وأن ماتت الفرقا لقى الشوق حتفه

جيت أقتل الفرقا من بلاد لــ بلاد
ملّ الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

تظمأ عيوني شوفك , وتشبع سهاد
عيّا الزمن يقطع ظماها بــ رشفه

لاوجهك أسقاها , ولا ذاقت رقاد
ماغير طيفك , طيفك اللي أعرفه

كنّه ظبي , وعيوني ظلال صيـاد
يجفل قبل يرتد للجفن طرفه

مشكلته أنه كل ما أشتقت يزداد
حتى ملا جدران وقتي وسقفه

وأصبحت أشوفه فــ أول الغيم لاجاد
وفـ أقصى الشفق لاطاحت الشمس خلفه

وفـي الأرض لانامت عقب صوت رعاد
وفي كل شباك ٍ صحت منه درفه

أتعبت طيفك لوم , واللوم مافاد
ويوم الأمل في شوفتك مات نصفه

نويت أسافر عنك بجروح ٍ جداد
وعمر ٍ من أوراق الزمن حان قطفه

نويت , لكن جابني الشوق منقاد

وجابك حنينك , والزمن سأل عطفه

شفتك تبــسّـم لي خجل مدري عناد
وفي نظرتك شوق ٍ من الظلم وصفه

حسيت كني طفل , وعيونك أعياد
ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

[أميرة الروح]

الشوق ماله عمر يفنى وينعاد ..
له في الضلوع أن عاد وأن غاب رجفه

قصيدة أكثر من روعه ،، أهنيك على سمو ذوقك
دمت بهالابداع وأكثر
بارك الله فيك
(يستحق ان يتوج بالنجمات)

[نـــــــقــــــــاء]

لاوجهك أسقاها , ولا ذاقت رقاد
ماغير طيفك , طيفك اللي أعرفه
..
جميل جدا
بارك الله فيك ع جميل الإختيار والذوق.

[نسر البوادي]

الشوق ماله عمر يفنى وينعاد ..
له في الضلوع أن عاد وأن غاب رجفه

قصيدة أكثر من روعه ،، أهنيك على سمو ذوقك
دمت بهالابداع وأكثر
بارك الله فيك
(يستحق ان يتوج بالنجمات)

تسلمين اختي اميره على مرورك الكثر من رائع سعدت به جدا
شاكرا تزيينك الصفحه بالنجوم الخمس وكلك ذوووق ياذوووق
ا

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

تسلم اطياف السراب مرورك العطر اسعدني ياذوووق

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[الصديق المجنون]

انتقاء جميل اخي
بارك الله فيك

[نسر البوادي]

تسلمين اختي نواره مرورك العطر اسعدني كلك ذوووق

[نسر البوادي]

الصديق المجنون تسلم مرورك العطر اسعدني ياذووق