تعمدت أرسلك صـبـاح الـورد والـخـيـر
يا وردة ربيع الـعـمـر ما مـرك الـنـاسـي؟!
أنا في غيابك حلم عايش بلا تفـسـيـر
حلمته وحطبت فليل برد الشتاء فاسي
انا مقتنع بإنه الزمــن لـعـبـة الـتـغـيـيـر
مثل ماقتنعت بهيمنة قـلـبـك الـقـاسـي
صباح الورد والخير وانتي فقلب الغير..
تعيشي وانا منهك بهـمـي وهـوجـاسـي
تعيشي.. وانا لو لحظةٍ خانني التـعـبير
قلبت الورق وانطقت حبري وكـراســي
صباحات ما تشبه سوى المسك والنوير
صباحات من مده لها تجول في راسـي
وعلى طاري الاسرار ما عاد باقي بـيـر
يصون العهود المقطعـه يا بـعـد ناسـي
ترى للغدر ما عاد في وسط قلبـي زيـر
لو انه سمع طاري الحرب فز متـواسـي
يقولو الشعر بعضه خيال وكذا تصويـر
واقول الشعر منبع شعوري واحساسي
أعيشه بلا كلفه بلا فلســفـه وتـفـكـيـر
لو انه حضرني بيـن ربـعـي وجـلاسـي
كتبته وطيرته فجـو الـمـشـاعـر طـيـر
إذا ما لفى بالـجـزل لا يعني اطراسـي
وترى انتي لك فقلبي شعر نادر وتقدير
له ايام راودنــي قبل لحظة انـعــاسـي
تعالي أنا مـحـتـاج لـقـيـودنا تـحـريــر
تعبت أحرب العالم برمحي واقواسـي
تعبت اتبع الماضي واقول الزمان بخير
وأنا مْن التعب مليت نـفـسي وانـفاسي
أحمد المعمري فلك
رد مع اقتباس
