^-^ شعورٌ يلامس نبضي °~° ®

[Raba]

وتستمر القصة ... ياخي أحيانا ودي أشتغل استشارية في العلاقات الزوجية .. أحس املك هالموهبه بصراحة استراليا طلعت فيني مواهب .. بنات الي تبي تتزوج رجاءً تقرأ كتب في الزواج والتعامل مع الزوج وتعرف مسؤولياتها مع زوجها وعيالها ماله داعي من اول مشكله كبيرة ما نعرف نهديها او نتصرف معها .. خليكم كذا بنفس وسيعه وصكي زوجك بكف قصدي بكف مو بيدك بكلام جميل .. من جد زعلكم أحيانا ما يسوى. .. إلي يقولي شدارك وأنتي عازبه .. دراني طال عمرك لأني فاتحة في البيت مكتب استشارة اجتماعية الي يبي يفضفض جاء وحياه الله .. بس من جد بنات كونوا بتعاملكم ملكات تغلوا بس بالوقت المناسب .. تكلمي عن مشاكلك او مضايقات تصيرلك بس في الوقت المناسب عشان تلقي الرد المناسب .. نعمتم بحياة زوجية ملأها السعادة

[Raba]

صح بخبركم على سالفة التغلي ههههه ... لما كنت أفهم الدرس مع الأستاذ دحدوح انغلقت المكتبة ولازم نطلع ننتظر ربع ساعة وندخل من الباب الآخر بآكسس ببطاقة الطالب .. المهم جلسنا نتناقش في اسأله في مساحة المكتبة الخارجية بعد الطرد المهم ذوليك الثنينه الي جايين ينكتوا وتمصخروا يتصلوا على دحدوح يبوا يروحوا البيت وانا بعدني عندي كم سؤال قالهم بتأخر شويه المهم كملنا شرح الأسئلة إلا ورن جوال دحدوح وهو جالس يحل ضحكني قلت له عادي رد قال لا اتغلى عليهم شويه اتغلى يشتاقولي هههههه ... ولما جلس يشرح مسكت شفت رسائل قال تراسل الأهل حتى انا اراسلهم بس تو مخلنهم تشه ������ كله أوين عشان انتبه قلت له تم فالك طيب أستاذ دحدوح ..دحدوح يضحك أحيانا فصلاته غلط هههه

[Raba]

حالة غضب تنتابني .. هل من المعقول أن يكون الجزاء هو ما تفضلوا به

[Raba]

قد يستغرب الجميع جرأتي ولكن أشعر بالظلم هنا أشعر بلا مراعاة .. كلهم يبحثون عن مصالح معينة لا تعنيني المصالح ولا أهتم لترقيات متى تعود لي نفسي

[Raba]

منزعجه اخر درجة لدرجة اي أحد تو يمزح معي يمكن بشل عليه بإي شيء .. ما طايقة أحد منافقين .. مفتريين .. مكروهين .. وكثر وجودهم .. آخر ظهور راح اكتبه هنا

[Raba]

انصدمت اليوم أن بنت نزعت حجابها والسبب لا أعلم

[Raba]

يوم الخميس من هذا. الأسبوع التقيت بجروب عمل وجلسنا سوالف عن الدراسة بس كذا عشان التقينا المهم ان دحدوح عازف بيانو .. وطلبت منه يسمعني عزفه وعزف حالة حب و سنوات الضياع واغنية هندية وهم نسم علينا الهوى وبس يتعلم العزف من النت يحفظهن ويطبقهن... على قولته بضبطك لو ان البيانو موجود فعشان كذا العزف يتأخر لأنه يعزف من الفون بتطبيق الايفون

[Raba]

لا أحد سيذكرني يومًا لأنني غريبة .. حتى الذكريات مكنونها الوحده .. في غرفة منعزلة ومغلقة مرميه مع فوضى الأوراق .. لا أحد سيلتفت لها لأنها شخبطات قلم لا أكثر..

[Raba]

يقال أن الإنسان قادر على التفكير قادر على الإنجاز قادر على التميز بين الصح والخطأ وقادر على الإبداع والتكيّف والتعايش مع مختلف البيئات ... كذلك قد قيل أن الإنسان هو أقوى المخلوقات ذكاءً ... فلما لا نستغل هذه القدرات التي أنعم الله علينا بها لتشكيل شخصياتنا ؟!!!!

[Raba]

اشتقت لمحبرتي وقلمي .. ومدونتي والأحداث
اليوم بخبركم عندي محاضرتين فيزياء وحدة ساعة 8:30 دوامي ما قادرة أتحمل ملانه بنام عاد عشان ما احد يركز علي خليت رأسي بالفون في الطاولة ومسكت ورقة وشيت حجت المادة وسويت نفسي أحل ونمت شويه 5 دقائق ما أقدر أنام أكثر مشكلة لما أستاذك يعرفك ... عاد في الكلاس الثاني جيته متنشطة عطاني أسوي تجربة وأطلع النتائج نحن بدأنا التجربة من الأسبوع الي طاف بس بعدنا كلنا ما مكملين النتائج ... أصلا أنا حاله الورقة بس باقي لي 3 اسأله ما عرفت كيف أجيب الحل حجهم عاد جاني وساعدني الأستاذ فيهم وزميلي إلي مشتغل معي كان جنبي نساعد بعض في شرح التجربة لأنه كان زميل التجربة وأصلا نحل مع بعض اسمه لي سان أتوقع جنسيته فتنامي ... المهم أستاذ الفيزياء معصب اليوم هو كل يوم يعصب لأن المواد هذي فيها حضور ما شيء محاضرات مسجله أونلاين وبعض الطلاب ما يحضروا كلاس الصبح عاد هو قال الي ما يحضر بالمعنى قالها بشوته خارج الكلاس هههه