السلام عليكم ورحمة الله وبركاته
طبعا المكبوس غني عن التعريف
وما راح اكتب اداوت
بكتب الطريقه ع طول
ومنها تنعرف الادوات لاني بصراحه مستكاوده ههههه
نبدأ
الطريقة:
1نبهر اللحم ونطبخه كالعاده ولكن نحط ايضا مع البهارات والملح والذي منه نحط لومي اسود لأن يعطي نكهه حلوه لين يبقى شوي قبل لا ينضح بعدين نفتح الطنجره ونسوي فيها بصل مقطع مكعبات صغيره وفلفل حلو شرايح وندعه يكمل النضج لحد ينضج زين زين ....
من ينضج اللحم نغرف اللحم فقط ونزيل منه كل شي يمكن عالق فيه بصل او اي شي اخر ونتركه جانبا
2- نأخذ الماء المتبقي من طباخ اللحم ونضيف له ماء زياده اذا حبينا ع حسب قياس الارز
وملح ايضا ع حسب كميتك
ونشغل له النار لين يغلي ...من يغلي نرمي له ارز منقوع سابقا ونتركه ينضج من يخف الماء كثيرا منه ولا تظهر الا فقاعات منه وهو يغلي
نخفظ النار اقل شي ونتركه لين ينشف كامل بس نحط اللحم فوقه العيش ونغلق الطنجره ...
3- في نفس الوقت وانتي تطبخي اللحم
تكوني حايبه مقلاه وحامسه فيها بصل ومكسرات واذا حابه زبيب وبعض البقوليات اخر شي معها تحطيه وتسويلها جلجلان مطحون بودره وهيل وبهار وسنوت وملح شوي يعطي نكهه رائعه وتحمسيه بسمن من يخلص تتركيه جانبا
4- بعد ما يجهز كل شي
حان الان وقت الغرف
اول ما تغرفي وتجيبي الصحن
تغرفي ملعقة عيش او ارز وتحطيها في البصل المحموس وتخلطيهن مع بعض
تجيبي الصحن وتغرفي فيه الارز وتحطي اللحم وسطه فوق بعدين تجيبي البصل الي خلطيه مع ملعقة ارز وتحطيه عاد ع داير المدار ويخلط معه الارز عشان المنظر الحلو
وبالهناء والعافية
ملاحظه
الطنجره هنا اقصدبها العاديه ما بو الضغط
بس اذا سويتي بالضغط نقليه عاد الماي بعد ما يجهز اللحم ف طنجره عاديه عشان الارز .....
رد مع اقتباس
المشاركة الأصلية كتبت بواسطة رووح الورد
