مزاجك اليوم ماكنه على حله
لا لا تضايق ترى دنياك فيها خير
سولف وقلي بما في خاطرك كله
ان شفتك بضيق بان بقلبي التأثير
وان صرت ضايق تصير النفس معتله
حرام يملا مخازن فكرك التفكير
خل الفرح يغلب التفكير ويشله
ان صرت مرتاح عينك ع السرور تشير وبشاير
الخير في وجهك لها طله
ياتحفتا ماتقنها الرسم والتصوير
انته بعيني تراك اجمل عباد الله
حبي لك كثير لاحظ يوم قلت كثير
اعني لك الحب كله دقه وجله
اشوفك بعين تنظرلك بمنظر غير
عن باقي الناس لك عالم ولك مله
نورك شرى الشمس في وقت الشروق ينير
او بدر عنه ركام السحب منحله
وصفتك بوصف لا زايف ولا تزوير
وانته يموصوف قد الوصف واهلله
خل المحبه على هذا الطريق تسير
لامنك زله ولا مني تجي زله
نتبادل الحب والاشواق والتقدير
نمشي على درب خلا يهتوي خله
رد مع اقتباس
!
