بكذا المفروض يكون الوعد بايصال المطالب وما يكون الوعد بالتنفيذ لان التنفيذ يكون من اختصاص الوزارات اللي لها ميزانيات وخطة مشاريع يكون لكل تجمع سكاني رزمه مشاريع تتناسب مع العدد الخاص بالتجمع والتابع له وتتاثر بالمسافات والتضاريسالمشاركة الأصلية كتبت بواسطة hamad alaraimi
فما يكون مثل الي يتحمس للقيام ببناء او عمل مشروع ويكون حسابه بالارقام ثم بعد التعرف على التحديات تتغير الحسابات
فمثلا حتى يكون واقعي يقول راح اشير ببناء مستشفى وبناء مراكز صحيه جديد بدال المتقادم وزيادة العدد ووعده ماهوب صعب ولا مستحيل لكن التحديات الي تواجهه وتواجه الوزاره وتواجه حتى السكان اللي من خلال الفيديو وصور الاقمار عاد ما ادري عن حداثتها والبناء او المشاريع الي صارت لكن من خلال الصور والفيديو فتضاريس الولايه صعبه وتحتاج الى حلول تكون تكاليفها معقوله حتى يكون فيه مشاريع يتم من خلالها زيادة عدد السكان وزياده عدد المساكن والمباني الحكوميه والمحلات التجاريه والكباري وتوسعة الطرق والله ما شفناه لكن بالعقل عرفناه فالتضاريس الي عباره عن جبال واوديه تكون المشاريع فيها مكلفه على الوزارات والسكان والمستثمرين وتقدر تتخيل جبل يتم تكسير اجزاء منه لاجل التسويه وهذي تعبتر كلفه اضافيه او حتى بناء وردم منطقه نازله لاجل التسويه وبالمثل مع بناء الجسور على الاودية هذي ترفع التكاليف ولاجل تجاوز زيادة عدد الجسور الواصله بين الطرق وشق عدد كبير من الطرق لاجل زيادة عدد السكان مع البناء الافقي على مساحات كبيره يفترض التحول للبناء العمودي لاجل استثمار المساحات الصغيره والبعد عن التوغل في بطون الاوديه
وبالمثل مع تحول المزارعين الى موظفين او ابنائهم فالمزارع ممكن انها تحتبس كميات من سيول الوادي وقت جريانه خاصه المزارع الي داخل الاوديه اذا كانت اشبه بالسدود الي تخزن المياه وما تكون مجرد سواتر تعيق جريان الاوديه فاندثار المزارع بسبب التوظيف في المشاريع الحكوميه والخاصه ممكن تساهم في بقاء منسوب جريان الاوديه في اعلى مستوياته بعد انهيار السدود الطينيه الي تساهم في تقليل جريان الاوديه كلما زادت مساحات المزارع الي تحتبس كميات من مياه الاودية الجاريه
والمقصود ان من خلال الصور والفيديو يبان ان فيه تحديات دايمه وموسميه مع التضاريس والفيضانات تحتاج لحلول رخيصه او يكون الحل هو الهجره لاجل التوسع في ولايات اراضيها تكون قابله للتوسع الافقي باقل التكاليف الممكنه على الوزارات والمواطنين والمستثمرين على حد سواء وما اقوله تثبيط لكن اقوله من خلال المشاهده للصور والفيديو ويمكن على ارض الواقع ما تكون مثل المشاهده من زاويه واحده وتكون المطالب قريبه المنال لكن هي مجرد اشاره للتحديات الي لو ما قدر عضو سابق او العضو المترشح او اللاحق على تحقيق المطالب فيفترض النظر لواقع التضاريس الصعبه بعين الاعتبار لانها تمثل تحدي للجميع كلما زاد عدد السكان والله اعلم
رد مع اقتباس