المشاركة الأصلية كتبت بواسطة رايق البال
يسعد صباحكم / مساكم
هلا بالجميع ..
كثير من الاخوه والاخوات كلموني ولعدة مرات حول فتح مدونه خاصه بي وكنت اقابل تلك الدعوات الكريمه بالاعتذار ربما لأني لا ارى بحياتي مايستحق الكتابه عنه اضافة لإنشغالي الكثير وضيق الوقت عندي ..
ماجعلني افكر الآن في فتح مدونه هو رغبتي في حفظ كل ماكتبته من قصص وخواطر وقصائد في مكان واحد لسهولة الرجوع اليه عند الحاجه لأن معظم انتاجي مما ذكرت اصبح بالارشيف ومن الصعب الإطلاع عليه لذا سوف اقوم بنقله هنا ان شاء الله اضافة لما هو موجود بهذه النسخه من المنتدى ..
على فكره انا كثير متتبع لكل مايكتبه الاخوه والاخوات هنا وكثير تعجبني ربشة شواخ بمدونتها وامووت من الضحك وانا اقرأ سوالفها ههههههه كما انه كثير آلمني مرض الآخ برود اعصاب واتمناله وللجميع كل الصحه والعافيه ان شاء الله ..
يعجبني بعد كثير تنسيق سوسو والمقاطع اللي تحطها ونفس الشي ينطبق على امبراطورة الدريز ومنكسه خشوم ودموع حزينه وعاد سوالف زهور المحبه بروحها كوم وتعيبني كثير بداوتها ههههه ولا انسى بعد طيش ودموع يكتبها القدر وسدرة المنتهى ومفتر راسي والغاوي وبس وكثير مائة بيسه مبدعه للغايه في الصور اللي تحطهم بالمدونه واحاسيس جدا رائع رغم انه كثير الاحظ زخات الشجن باللي يكتبه وهناك العديد ايضا اتابعهم مثل مرام اللي يادوب لسه فاتحه مدونه وطهر اللي تزوجت واتمنالها حياه زوجيه سعيده وبكل امانه افتقدناها ونتمنى تعود لما تتحسن ظروفها لأن ماشفنا منها الا كل الخير والتقدير ولا انسى ضي الشمس وسوالفها بالغربه لكونه تدرس هناك ههههه وياسمين ورجعتها من عرس بنت خالها مدري ولد خالها ههههه وديفل آيز وسفراتها الدائمه ههههه والونيس وطيف اللي كثير آلمني الحسد اللي تعرضت له زمان ولا انسى الآخ العزيز البلوشي خالد وراعية سمحه اللي للأسف ماقدرت تستعيد معرفها الأولاني فزة خفوق هههههه وضياء القرآن وليعذرني من فاتني ذكر اسمه ولكن ليتأكد اني متابع للجميع هنا افرح لفرحهم واتألم لآلامهم لكوني انظر لهم كأخوه واخوات اعتز بأخوتهم وشرف معرفتهم ..
اليوم
1 / 1 / 2016
الساعه 12:1 ص
اخوكم / الرايق
