التفنن في اضاءة المنزل.

**نـــــــقــــــــاء** · 06-01-2016, 08:20 AM

التفنن في اضاءة المنزل.
الإضاءه LIGHTING
طبعاً تختلف الإضاءه بإختلاف شيئين
أول شي ذوق صاحب البيت
وثاني شيء وهو الأهم مكان هالأضاءه
بالنسبه للذوق يختلف بإختلاف مزاج الإنسان يعني مرات يجي في بالنا نبي ضوء أبيض بعدها نكرهه ونغير نبي أصفر
أو ممكن ضوء عالي وضوء خافت هالشيء يعتمد على نفسيتنا كيف بهاللحظه
عشان كذا أنا أفضل أننا نعتمد الإختيار الثاني وهو الصحيح اللي هو أختيار الإضاءه حسب المكان وحسب حاجتها

1

راح أبدأ بخارج المنزل OUTDOOR
الأناره تكون محدده بأمرين

توضيح الممرات

والشي الثاني تسليط هالضوء على جماليات المنزل

هالصوره موضحه كيف الإضاءه على سور المنزل الخارجي وكيف محدده مناطق الجمال فيه

نقدر نوضح أشياء ونخفي أشياء ثانيه عن طريق الإضاءه

المنظر هنا روعه

تحديد الدرج بالإضاءه

برك السباحه لازم تكون واضحه تماماً عشان السلامه وعشان تعطي جماليه للمكان

النوافير نفس الشيء

إضاءه النوافير غالباً تكون ملونه

**نـــــــقــــــــاء** · 06-01-2016, 08:21 AM

2

الحين ننتقل للداخلINDOOR

المداخل الأساسيه للبيت لازم تكون كمية الإضاءه فيها كبيره
غالباً نعتمد الثريات الكريستال

لأن مدخل البيت هو اللي يحدد نظرة الزائر الأولى لازم ياخذ انطباع حلو وينشد للباقي

النوعيه هذي جديده تصير كأنها ثابته بالهواء

هنا نفس الشيء،،،

لو كانت الإضاءه خافته ممكن تعطيه إحساس بالكآبه والممل قبل يدخل
أما الأمور الجماليه في البيت مثل اللوحات والأمور الشبيهه لازم نسلط عليها إضاءه عشان يبان جمالها

لو تركناها بدون إضاءه ممكن نحس انها مجرد جزء من الجدار مو أكثر

**نـــــــقــــــــاء** · 06-01-2016, 08:21 AM

3

LIVING ROOM او غرفة المعيشه

الإضاءه حقتها حلو تكون خفيفه ومحدده بمناطق معينه
لأن غالباً يكون فيها تي في والمشاهده أوضح وأريح وأهدأ لما يكون الضوء خافت

الإضاءه الجانبيه روعه