كلنا اخي نفس المعاناة انا خريجة قانون بكمل السنة
قبل التخرج كنا متأكدين ان التوظيف مضمون لان كل دفعة تتخرج قبلنا ع طول تتوظف يمكن لوجود حاجة للتخصص واسباب 2 لكن المفاجأة كانت ان مافي وظائف للإناث يعني تقريبا90%للذكور فقط واساسا عدد الوظائف قليل جداً والشركات اغلبها تريد شهادة قانون بالانجلش يعني ايش ذنبنا اذا القانون في الجامعة بالعربي واساسا لغة المحاكم والتقاضي العربية بس تقول ايش او اللي يغم سالفة الخبرة مثلا يطلبوا للباكلوريوس 8سنوات وللمجاستير 5 ولاصحاب الدكتوراة 3سنوات طيب والخريجين الفريش من وين يجيبوا هالخبرة و يا ريت رواتب هالشركات تحمس اغلبها رواتب ضعيفة!!!!!
فكرت افتح مشروع بس صعب والارباح يمكن حاجة بسيطة الواحد يريدها كدخل 2مو اساسي ولو كان رأس المال موجود والامور شبه متيسرة بس عقلية الشخص مش تجارية وما يقدر ع التجارة هم ايش يسوي??
البعض هنا مستسهل جدا فكرة المشاريع عموما
اخوي قدم اوراقك بنفسك في كل مكان يخطر ع بالك وجرب قدم في الشرطة وفي الامن بما ان عنك شهادة امورك بتكون طيبة لو حصلت ع وظيفة هناك وحاول تقدم ع الوظائف الادارية ما شرط وظيفة بنفس تخصصك بالضبط لان احيانا يطلبوا اي تخصص لبعض الوظائف الادارية وادعي وعسى تفرجك عليك وعلي والله احس بغبنة فيه ناس خريجين ثانوية وبالواو متوظفين بوظائف لاصحاب الشهادات الجماعية وناس وظائفهم من قبل التخرج مجهزة في الديوان وغيره ونحن اللي بتعبنا وجهدنا ندور ونرسل كل يوم ع امل في وظيفة منزلة بس كل تأخيرة فيها خيرة صدقني والله كريم!!