اول شي يا اخوة ويا اخوات مفروض كلنا نعرف
حاجة ايش اصل العباية???هل هي واجبة فعلاً?
وهل يلزم انها تكون سوداء???
طبعا هي مو واجبة الواجب لبس ساتر طويل فضفاص
ما يظهر المفاتن ولا العورات وهم اللون مو شرط اسود
نحن كعادات وتقاليد كانت عندنا العباية السودا وصار خلاف اي عباية الصح عباية الكتف ولا الرأس وما بدخل في هالموضوع برجع للون العباية معكم حق اللي نشوفه
كوارث اصفر واحمر و وردي كأن لابسة ثوب مو عباية
الشي الثاني خام العباية حرير ولا جورجيت ولا دانتيل خفيف وهي رايحة الدوام او طالعة تتسوق
بالله شو فرقت العباية عن الجلابيات الحين??
شي مو حلو ابدا غير سالفة الاجسام مو كل قماش مناسب
وحدها عندها زوايد تلبس استريتش وحرير وتخصرها
شي مقزز جدا حتى الرشيقة عيب التخصير ليش تعرض جسمها للي يسوا واللي ما يسوا هم حركة البس لبس ع الجسم وافتح كل العباية ورجلي طالعة ليش???بس اريد افهم،،نرجع للون انا عادي برأيي العباية ملونة وانا عن نفسي عندي بالهبل بس مو الوان قوس قزح في الوان ترابية ودرجات البني والرمادي واقمشة قطن وكريب وشيفون ثقيل تجي ستايل مع قصات حلوة نفس الوقت ساترة لا تشف ولا الوانها شاذة بالعكس تكون انيقة وعصرية ما مبتذلة ..