طلاق المرأة إن كان زوجها عقيم ،،

[نسمة الظلام]

مساء الخيرات ،،،

زوج يبارك لطليقته التي تطلقت منه لأنه عقيم .. ويرسل لها بمناسبة قدوم مولودها الأول
باقة ورد بعدما فرقهم القدر لتصبح زوجه لغيره .. وكتب على باقة الورد الأبيات التاليه :

سلامتك من كل شر
وسوء وجهاد وألم

ومبروك ما جاك وعساك
بخير يا ( الغصن الندي )

جعلك تشوفينه بعرسه :
ضابط و شاعر علم

ويطلع على جده أبو يوسف
سنافي ، وأجودي

لكن يا فلانه انا لي
قلب جرحه ما سلم !

هذي سنه وانا انقل إحساسي
على ( راحة يدي )

إلين ما سويت من نبضي
وإحساسي قلم !!

وكتبت لك أغرب شعور
أمر به من مولدي

أنا أشهد ان حظي ردي
وانا اشهد ان وقتي ظلم !

لا صرت أبارك في ولد
كنت أتمناه ولدي !!

وسلامتكم

طبعاً يبدوا لي من واقع ابيات الشعر المذكورة على لسان الزوج المسكين
انه طلق زوجته بناءً على طلبها .. رغبة ً منها في الأولاد .. وهذا حق مشروع لها طبعاً .

بصراحه .. انا شخصياً تأثرت من كلام الزوج وشعره لزوجته

السؤال :

هل ترى ان الطلاق ضروري في حال عقم الزوج ؟

[devil_eyes]

وابوي! يعني لو المشكله ف الحرمه بتصير فضيحه بكل المنطقه!
وعادي يطلقها! وكنه العيد! ولا يجيب عليها زوجه ثانيه والاولى تموت قهر!
ولا يروح يخونها ويقول ترا المشكله فيج انتي!

خليه عادي ياخيتي لا تتاثري بالكلام هذا هع هع!!

[devil_eyes]

من حقها ونص تجيب عيال مثل ما الرجال يقول من حقي اجيب عيال!

[مرتاح ويتصنع قلبي الراحة]

تلك شجاعة ونبل ونكران للذات من قبل الزوج السابق
بعض شريكات الحياة لا تهون عليها العشرة من اجل الانجاب
يرضن بالأمر الواقع والقدر المحتوم والخيرة فيما اختارها الله
ولكن هذا لا يعني ان نبخس الزوجات حقهن ورفقا بالقوارير
موضوع يقلب في الوجدان الآلام يا نسمة الظلام

[حامي الذمار]

لها الحق آن تحظى بآطفال وتشعر بإمومتها

طبعاً لها حق !_!

[اموووره]

يالله
بصراااحه تأثرت وااايد بكلامه ..
بصراحه لو الزوج كانت معاملته لزوجته زينه احس هالشي يغنيها عن العيااال ..
لو عنها مستحيل اتخلى عنه صراحة ..
احس حرام والله لانه هو مو بيده يكون عقيم ..

[صوت الحمام]

السلام عليكم

لو كان الزوجين بينهم موده راح تبقى معه الزوجه
لو العكس فبيكون قرار الطلاق بالنسبة للزوجه امر عادي..

شكراً لك
وفقك الله

[♡سدرة المنتهى♡]

يالله
بصراااحه تأثرت وااايد بكلامه ..
بصراحه لو الزوج كانت معاملته لزوجته زينه احس هالشي يغنيها عن العيااال ..
لو عنها مستحيل اتخلى عنه صراحة ..
احس حرام والله لانه هو مو بيده يكون عقيم ..

انا اقول مثل أمورة ..
مهما كان المفروض ترضى بنصيبها و تصبر معه والله يعوضهم ..

[غلاتي ف حلاتي]

يالله يحليله عورني فؤادي بس يمكن هي بعد ماقدرت تتحمل 😞😞 صعبه مثل هالمواقف

[احساس روح]

اذا المرأه تحس بلهفه وعميقه جدا للانجاب
فاحسن تنفصل عن زوجها وتتزوج
بس اذا ما تحب وتتشوق للاطفال
تجلس مع زوجها
خصوصا ان عاد من يعرف انها ضحت بالامومه عشانه
ايحترمها وايحبها اكثر