المشاركة الأصلية كتبت بواسطة معادلة موزونة
هلا حبيبتي معادلة موزونة
في هذه المرحلة من العمر يكون الطفل توه بدا يمشي فصار همه الركض واللعب اكثر من الاكل
فهنا ينصح انك تتحملي لانه بياخذ وقت اطول بالاكل
كيف
انك تلقميه وتخليه على راحته يركض وتناديه ياكل لقمه غيرها
وان ما طاع ركضي وراه ولقميه وهو يلعب او يعني انتي دوري وراه لين ما تحسي عالاقل اخذ كمية لا بأس بها من الطعام
وبتمر عليك فترة أيضا انه الطفل ما يحبك تلقميه او يرفض انه تعطيه بيدينك يبا يمسك الاكل بنفسه وياكل بنفسه
هالفترة ايضا عليك تحطيله الاكل مفتت بالصحن وتعطيه ياكل على راحته ممكن شوي تعلميه عالاكل مثال اليد اليمين وان طاح الاكل لا ياكله وتصبري على اتساخ ملابسه وانه يوسخ المكان كله بذاك الوقت مجبورة تتحملي بس عشان ياخذ قدر كفاية من الاكل .
وبالنهاية بتعدي هالمرحلة ويكون كل شئ طبيعي .
رد مع اقتباس