ياثقل بعض المـزح لـو هـو محبـه .. بعض المزوح تجيب في وقتها العيد .
اما زعـل صاحبـك مـن غيـر سبـه .. والا تـفـرح بالـمـزوح المـقـاريـد .
والا وقف من صدمـة المـزح قلبـه .. مـن عقبهـا ياعـذر مـا عـاد بتفيـد .
إن عاتبـك بتشوفهـا مـنـه صعـبـه .. وإن جاملك بالصبر للجـرح لا تزيـد
دور دوا للـجـرح وإعــرف لطـبـه .. لا تستهيـن بجـرح ناسٍ(ن)أجاويـد .
وإن سامحـك صاحبـك خلـك بقربـه .. وإحذر بعدهـا تثقـل المـزح وتعيـد .
مهـد لمزحـك قبـل فـوقـه تـذبـه .. ترى المفاجا بالحكي يكسـر القيـد .
تخسـر صديقـك ثـم تـأخـذ لذنـبـه .. تصبـح مودتكـم بعـد حــب تنكـيـد .
ومـن لا يراقـب قبـل يمـزح لربـه .. المزح بعضه يجلـب الحـزن لسعيـد .
ياثقل بعض المـزح لـو هـو محبـه .. بعض المزوح تجيب في وقتها العيد .