روآيتي الجديده : يآكل الفقد من بدريّ، غصون المغفره يبآسّ' .

[شجون آلبلوشي]

°°[[البارت الاول ، الجزء الثالث]]°°

‏"

تجيني مثل نور القمر مايقبل التشبيه
وكأن الناس من حولك نجومٍ مالها داعي.

.
.
.
: صبآح الخير

شجون : صبآح النور ؟

: عسى ما ازعجتك ؟

شجون-بتفكير-: لا عادي، كأننا ألتقينا قبل ؟

-بضحكه-: ايوا ، شو مسرع نسيتي !

شجون : والله آسفه انا جديدة هنا ، يمكن مغلط في المكآن '

: لا ابد ، انتي شجون ؟

شجون-بصدمه- : هيه ، من انت!

: انا عبدالعزيز !

شجون-تضرب رأسها بخفيف-: هاا ؟ اللي كان بالطيآره ؟

عبدالعزيز : هيه ، هو !

وسعت من عند الباب: ي هلا فيك اخي '
-تداركت الموقف وردت مره عند الباب وضربت بكتفه- : لا لا اسفه ما يصير تدخل !

عبدالعزيز-بضحكه-: خلاص بنت الحلال ما ابى ادخل لا تحاتي

شجون -بتفكير-: طيب، شو في خاطرك؟

عبدالعزيز: ما في خاطر الا الخير، مانسيتي شيء؟

شجون : نسيت شيء !

عبدالعزيز يمد يده وفيها كتآب '

شجون-انحرجت-: هاا ؟ كتآبي !

عبدالعزيز : هيه هو كتابج عيل كتاب منو ؟

شجون-مدت يدها تأخذ الكتآب- :شكراً ما تقصر

عبدالعزيز : ولو ماسويت شيء !

شجون : صحيح ،كيف عرفت اني هنا ؟

عبدالعزيز: انا هنا السنه الثانية ، اعرف المكان يعني وكنت هنا قبلكم '

شجون -جت تصكر الباب-: ايوا ، طيب شكراً ماتقصر

عبدالعزيز-مسك الباب: لحظه طيب الناس يودوعوا بالاول !

شجون-بتعجب-: آسفه؟

عبدالعزيز بضحكه-: يعني يقولوا الله يحفظك وكذا يعني كم كلمه مرتبه و حلوة

شجون : طيب اخي، الله يحفظك -جت تصكر الباب مره-

عبدالعزيز: لحظه طيب لحظه!

شجون : تفضل اخي ؟

عبدالعزيز-مد يده بإبتسامه-: اخذي ها رقمي اذا احتجتي شيء انا موجود '

شجون-ترد يده: شكراً ما احتاج

عبدالعزيز : السموحه ما اقصد شيء

شجون: لا عادي ، معي اللي يساعدني

عبدالعزيز: فاطمه ؟

شجون-تعجبت: لا لا ! كيف تعرفها ؟

عبدالعزيز-بضحكه-: يعني هي '

شجون:وكيف تعرفها ؟

عبدالعزيز-بكذب: زملاء '

شجون :اهاا، طيب مع السلامه

عبدالعزيز: شكلي ضايقتج ؟

شجون : لاعادي'

عبدالعزيز: طيب استأذن

شجون:مع السلامه-صكت الباب'

عبدالعزيز في خاطره 'اعوذ بالله كأني مآكل حلالها وسار'

شجون'اعوذ بالله من الناس النشبه اللي م اعرفهم' وردت تكمل مره ثآنيه

اخوي عبدالله يشوف فكرة الإبتعاث بشكل عام فكرة جديدة ومُفيدة لاي شخص كان بنت او ولد
بشرط انه يكون قادر يشيل نفسه وواثق من نفسه بعد ،
أمي من الاشخاص اللي عارضوا الفكرة ولكن كلمة ابوي هي الاعلى ،
أمي؟ صارت تحت الارض من عآم ' على أي حال رح اكون فخر بيوم من الايام ورح ارجع بلدي بشهادتي وآفتخر '
كنت آحب شخص لكني تخليت عنه لان أحلامي ما تنآسبه يمكن هو شيء صعب بلحظه ينتهي الحُب
لكنه فرض هو له حلمه وسعى له وانا بعد لي حلم واريد احققه والله يعوضني باللي أفضل
دراستي الحين بتصير أهم من كل شيء في الحياة
هذا اول يوم بطلع مع زميلتي بتعرف على المكان والناس الين اعتاد عليه ويبيله وقت شويّ
خُتم : الأول من آُغسطس للعام 2016 .

°°[[مخرج]]°°

‏مَ خبرت العذر يجبر له كسر !
ولآخبرت الحب يآتي ، بـ المزاج.

[جلنااااار]

روايه جدا جميله ..
تسلمين .. الله يعطيك العافيه

[شجون آلبلوشي]

روايه جدا جميله ..
تسلمين .. الله يعطيك العافيه

هلآ فيك خيتي جلنآر
تسلمي ، كوني بآلقُرب ()*

[شجون آلبلوشي]

°°{{البارت الثاني ،الجزء الاول}}°°

‏#ساعة حنين :

يمكن يمر ؟
يقرأ سطر يستعذبه
يستغربه .. ماهو مهم
بس المهم ؟ إنه يمر.

-اخذت شجون فونها شافت مكالمات فآئته ، الغالي ، عبدالله ، ورسايل من مزون تسألها اذا وصلت ورسايل من باب الإطمئنان ' -ردت عليهم واتصلت على فاطمة '

شجون : صباح الخير فطوم

فاطمة :صباح النور ياهلا '

شجون :شخبارج ؟

فاطمة: الحمدلله انا بخير وانتي؟

شجون : الحمدلله بخير

فاطمة : امري حبيبتي محتاجه شيء ؟

شجون : لا ابد بس اذا مامعج شيء نطلع شوي اشوف المنطقة ؟

فاطمة : طيب اعطيني وقت عبال ما نلبس وبنجي ان شاء الله '

شجون : طيب حبيبتي انا انتظركم '

فاطمه : ان شاء الله ، متلاقين

شجون : على خير يارب '

-تجهزت فاطمة ومعها عنود وسارة عشان يطلعوا ، فهالوقت شجون كانت تتأمل المكان من البلكونه منظر جميل والبارد طاغي ماتعودت تظل كثير فهالجو '.

رجعت بذاكرتها للبلد بالتحديد ايام التسجيل '
كانت جالسه ومعها آبوها

شجون : يبه، بسجل بعثات، عادي!

ابو عبدالله : هيه عادي حلو، والشهادة برع قوية

شجون-فرحت من قلبها باسته ع رآسه: مشكور يالغالي ربي يطول بعمرك

أبو عبدالله : عشتيّ يابنيتي، وان شاء الله اذا ربي أحياني لين يومها وطلعت لك بعثه بنروح كلنا بس ماقلتي وين ناويه ؟

شجون : والله يا إما بريطانيا يا أمريكا ودرجاتي الحمدلله يوصلوني لهن

ابوعبدالله: يلا الحمدلله صلِ الاستخاره حبيبتي واذا ارتحتي لهالشيء كان سجلي

شجون: ان شاء الله يالغالي من عيوني'

-راح ابوها ، كانت تتصفح دليل الطالب شوي ودخلت عليها مزون -

مزون-تتخصر-: شو تسوي ؟

شجون: اشوف البعثآت'

مزون : وبس ؟

شجون : ليش ؟ ترى اتصفح عشان التسجيل

مزون :بعثات ما شيء '

شجون : على كيفج هو ؟

مزون: تعرفي انه امي رافضه هالفكره !

شجون : الله يرحمها '

مزون: تتوقعي لو كانت عايشه يرضيها ؟

شجون : طلعي وصكي الباب وراج'

مزون : جاوبي ؟

شجون: انتي ما تفهمين؟

مزون : لا، شو بتسوي !

شجون:أبوي موافق، وامي كانت تعرف هالشيء وما في كلمة على كلمة ابويّ

مزون: الايام بيننا ،شوفي وين الخيره بعدين!

شجون: بعدج صغيره شو عرفج'

مزون : بنشوف -طلعت وصكت الباب بقوه-

شجون حز بخاطرها ، لان فعلاً امها ما كانت موافقه ردت تفكر في قرارها وصلت آستخاره حست فيها براحه وقررت تسجل البعثآت


-بعد ساعه كآنت 8 الصبح الجو نصف مغيمّ يندق الباب ويقطع حبل أفكارها-

قامت فتحت الباب، كانت فاطمه مع ساره وعنود رحبت فيهم واستقبلتهم '

-تبادلوا السلام بينهم والاخبار-

فاطمه : ها شجون جاهزه ؟

شجون : هيه خلاص جاهزه انا

عنود-بضحكه خفيفه-: تغطي زين لاتبردي ونبتلش

ساره :هيه ترى برد

شجون-بضحكه-: لا لاتحاتوا، مأخذه احتياطاتي

فاطمه-بضحكه-: والمُخدرات ؟

شجون-تضربها بخفيف:الله ياخذ بليسج لا تفضحي فينا '

ساره وعنود يلتفتوا لبعض : مُخدرات شو ؟

شجون: لا لا ما شيء هي شكلها ما افطرت قبل ما تجي هنا

فاطمه : لا لا طال عمرج أكلت، وأكلت زين بعد قبل ما اجي

ساره : عيل شو ؟

عنود: هيه امخلينا اطرش في الزفه ليش ؟

فاطمه-تضحك-: فآكس، تأخذه لما تزكم

شجون: ما منج من اللي يعطيج اسراره

فاطمه-تضحك-: في كل الاحوال بيعرفوا

عنود: انزين كيف هالحين ؟ ما رح نطلع!

فاطمه : إلا انتظركم يلا !

عنود-تغز بنظرة-: العكس ترى '

فاطمه-تشوف على الساعة: يلا بنتأخر ترى !

شجون: يلا مشينآ
- نزلوا وحطوا مفتآح الشقه مع الرسبشن-

فاطمه-تفرد يدها-: هذه هي مآنشستر '

شجون-ببراءة: الجو حلو'

ساره :خلوها تفكر في الحُب

شجون-بضحكه: هي افكر فيه هذا اللي قاصر؟

فاطمه: خبلات الله وش بلاني معكن

شجون: انزين بنسير م شيء ولا كيف؟

فاطمه : بنمشي شوي لين المحطه

شجون-تعجبت : محطه ؟

فاطمه: هي محطة اكسفورد ف آخر المنطقه، للقطارات

عنود:يعني نقل عام '

شجون: طيب حلو بعد احسه آفضل

فاطمه: هيه مرآت يُعتمد عليه وسريع

عنود :يلا عيل مشينآ باقي شوي ويمر قبل مايفوتنا

فاطمه : يلاا مشينآ

ساره : انا اقول افضل نسير محطة الباصات تقليل زمن الطريق وبعدين نحن ما نبي نروح مكان بعيد

شجون:هيه انا بس ابى اتعرف على المنطقة

فاطمه: عيل بس المحطه تأخذ ع الاقل 8دقآيق من هِنا

شجون:عيل زين والله !

عنود:هيه وخدماتها مُريحه، حتى الناس هنا يفضلوا النقل العام هذا على الخاص '

-في الطريق-

شجون-بضحكه : تحمست'

فاطمه:مثلي اول يوم !

-وقفت شجون فجأة، تشوف كان واقف عند المحطة '

فاطمه تشد يدها بخفيف:ليش وقفتي؟

شجون-انتبهت:ها؟ لا لا ولا شيء!

-مشوا لين المحطه، التفت عليهن-

:يوهه صدفه حلوهه!

فاطمه-بضحكه: شو انت في كل مكآن؟

ساره: في كل مكان اطلعلك، يمين يسار اطلعك

عنود :ساروهه اصطلبيّ

فاطمه:شابكه مره، متى بتتوبي؟

ساره: كله منج انزين ما قصدي

:هيه طال عمرج نحن صوت الشعب

عنود-تطالع بنص عين: اي صوت الشعب؟ انت مع هالتقويمّ '

:بلاها ؟ حلو غيرانه الظاهر، بعدين لاتنسين اني آمن الشعب الكريم

ساره-بضحكه-: اونه الامن ، خف علينا

فاطمه ألتفتت على شجون ، اعرفج ؟

ساره-التفتت على شجون-: شسمه ترى عادي ندري في البداية فيه تحفظ بس انج توسعي دائرة معرفتج هنا وايد تنفع'

شجون تهز رأسها بـ الموافقه'

فاطمه : هذا عبدالعزيز اكبر مني بسنه من الطلاب المتفوقين والمعروف بحسن خُلقه هو عفوي عفويته تخليه في مواقف محرجه شوي وجريء ماحلو فيه يمكن انه طآيش بس جداً خلوق ومتسآعد مع الكل -اذكر اول ماجيت هنا التقيت فيك انت اول-

عبدالعزيز-بضحكه-: هيه اذكرج و كنتي مثلها-يأشر على شجون-

فاطمه-بتعجب-: كيف مثلها ؟

عبدالعزيز:يعني انا وياها تعارفنا '

شجون-بإندفاع-:كذذب

عبدالعزيز ضحك: بسم الله شو بلاج ؟ ماقصدت شيء كنتي زميلتي بمقعد الطيآره كذب بعد ؟

شجون-نزلت راسها بخجل:لا ، هيه عرفتك فالطيآره'

فاطمه : يعني زين تعرفتوا على بعض ؟

عبدالعزيز-وايده ع شعره-: يعني والله هو شوي

ساره وعنود-بإبتسآمه-: عيل تعارف خير '

فاطمه-بإبتسامه- : يلاا خير ان شاء الله'


°°{{مخرج}}°°

‏لحظة أبيك :
تملى الفراغ اللي تركته
يحتريك
تضحك مثل أول معي
طيب ألو
ودي أدلع مسمعي
صوتي غريب ؟
شكراً على دور الغبي
والله عليك '

[Raba]

يعطيك العافية عزيزتي استمري في تألقك
بارك الله فيك ،،،

[شجون آلبلوشي]

يعطيك العافية عزيزتي استمري في تألقك
بارك الله فيك ،،،

هلا فيش حبيبتي ()*
تسلمي مرورك على رآسي "

[شجون آلبلوشي]

°°{البارت الثاني، الجزء الثآني}°°

مدخل :
وتعزف
لي الشوارع صوت
خطواتي
وانا الراحله !
قبل ماشوف وجه النور
يا فوضاي الغريبه؟
رتبي ذاتي ..
من أول نبضي
لآخر خاطري المكسور ()*

عبدالعزيز: ها وين سايرين ماشاء الله ؟

فاطمة: والله كذا بس نعرفها بالمنطقة

عبدالعزيز: تبون مرشد سيآحي؟

ساره-تتخصر-:لا والله ماحد طلب منك

عبدالعزيز: ومن قالج اني انا ؟ يمكن استأجر لكم

ساره -بضحكه-: واضح واضح'

عبدالعزيز: ما منج من اللي يبي يساعدج ما ويه

ساره :كيفي انزين سير عني يلاا

عبدالعزيز-يطنز:لا عيل بتم هني مقدر اعيش بلاج'

ساره : ظريف وايد'

عبدالعزيز:جزُء مما لديك سيدتي

ساره : ضحكوا ضحكوا يقصف اوين '

-وصل الباص لذيك الفتره راحوا كلهم-

فاطمة: مو بعيد ترى المكان نأخذ لفه بسيطه فيه بس وبنرجع بكلمج فيها عن اهم المناطق

شجون -هزت رأسها بـ طيب'

ساره بهمس: المرشد السياحي وش وضعه؟

عنود : إنا لله وإنا إليه راجعون

ساره : شو فيج ؟ من مات!

عنود: ودريّ الادمي فـ حاله '

سآره: انزين '

فاطمه : متى تودروا هالسوالف؟

عنود:هيه ما انا

ساره-التفت لشجون:حبيبتي ماعليش هالشيء طبيعي ما شيء مشكله تعودي

شجون-بضحكة-: لا عادي مو مشكله

فاطمة: انزين شسمه ماعلينا خل نستغل الوقت الباص بيأخذ لفه ف المنطقة ويوقف في كذا محطة بس

شجون: بننزل في مكان؟

فاطمة: مدري اذا تبون بنشوف مكان ؟

شجون: عادي على راحتكم

ساره : سمعي اهم شيء وشريان الحياة الاسواق

عنود-تضحك-: هذه هي حياتج

ساره-تناظر بنص عين-: عيل شو لازم تكون حبيب؟

عنود:يستوي بعد

ساره :خليته لج ما احتاجه

عنود:هيه مره محد يدري

فاطمة-التفت لشجون: هيه يعني اذا بغيتي المنطقة مليانه بالاسواق بس غالي في سوق واحد جديد ومنافس عليهن واسعاره طيبه (بريمارك)

عنود : في فُندق قديم اسمه بالاس الاغلب يستقروا فيه وفي سكنات للطُلاب شيدتها شركات خاصه وفي كثير بعد مرافق حلوه

ساره: في حدايق واماكن عامه ومناظر خلابه ترتاحي فيها وايد '

فاطمه : اذا تبي تستفسري عن اي شيء لاتستحي ابد وبجاوبج انا باالتفصيل

ساره:يمكن تحسي بملل بعدين صدقيني لاتسألي احسن

عنود: اكرمينا بسكوتج ست ساره

ساره: نحن لانُصادر حرية التعبير عن الرأي

-فهالوقت شجون كانت تفكر بشيء ثاني-

الحياة مالازم يكون فيها حبيب ؟

#اسأل نفسي دايم كيف بتكون !
-حلوه يعني ؟ احس انهم عايشين فعلاً حياة مو انا مع اول عقبه بالنسبه لي تخلىّ عني !
وهالشيء حلمي وينصب في مصلحتي ودراستي وهو يدري اني اتمنى هالشيء من خاطري ،واني من المتفوقين والغالبيه العُظمى شجعوني عليها وشهادة الدلف تساعدني !

رجعت بنفسها للمُحادثه ��
-يوم القبول كان مشؤم بالنسبه لها-

شجون : معااذ '

معاذ : عيوني؟

شجون : وصلني القبول، وانت؟

معاذ : صدق وين ؟ انا امريكا بعثه

شجون : حتى انا بعثه!

معاذ : ششو قلتي ؟ نعم !

شجون : بعثه؟

معاذ : بشور من سجلتي ؟

شجون : شاورت ابوي!

معاذ: وانا وين رحت مالي رأي !

شجون : وين الغلط طيب ؟

معاذ: قواة عين تسأليني !

شجون : وانت بعثه ، شو اختلف!

معاذ: انا اقدر اشيل نفسي ريال طول وعرض لكن انتي بنيه والبعثه صعبه لج

شجون: خلاص الحين هذا نصيبي

معاذ: بتلغينها

شجون : ششو مجنون ؟

معاذ : انا ولا البعثه ؟

شجون : لاتخليني فهالموقف رجاءاً

معاذ : اختاري !

شجون: هذا مُستقبلي !

معاذ : وانا جزء من مستقبلج ولي رأي اختاري لحينه !

شجون: حلال عليك وحلال عليي؟

معاذ: انا بخليج الحين وبكرا ابى الرد !

شجون : انا ما اقدر ارفضها ويروح المقعد !

معاذ : هذا آخر كلامج ؟

شجون : بس !

معاذ: لا بس ولا غيره، عندج لين باكر تردين عليي

شجون : معاذ !

معاذ : نعم ؟

شجون : بس تدري اني احبك ومقدر اعيش بلاك ابد !

معاذ : اللي يحب أفعال!

شجون: وانا حُبي كلام !

معاذ : راجعي نفسج انتي ادرى

شجون : مابيدي حيله '

معاذ : امهلج لين باكر ورديلي خبر

شجون : تصبح على خير '

معاذ : ت خ '

-في الواقع فاطمه تهز كتف شجون-

فاطمه : شجون ؟

شجون-بفزع- : معاذ !

فاطمه : فيج شيء ؟

شجون -انتبهت- : لا لا ابد شو وين صرنا ؟

فاطمه : اخذنا لفه على المنطقة وردينا

شجون-بكذب-: هيه حلوه وايد '

-نزلوا من الباص-

ساره-التفتت لشجون : من معاذ !

عنود-تضرب كتف ساره- : ساروه انطبي !

ساره : ما دخلج انتيه

عنود : استغفرالله

شجون : طيب ما يسوا الموضوع والله

فاطمه -توها جتّ اشترت ذُره -: فاطمه اي موضوع ذا ؟ شو صاير

عنود وساره وشجون بصوت واحد : ها لا لا ما شيء بس كذا نسولف '

°°{{ مخرج}}°°

‏-
طريت في بالي
و فجأه تبسمت
و غمضت من لذة
خيالك عيوني !ㅤ
البعد و الذكرى
وطاريك و الصمت
هـ الاربعه في :
غيبتك إتعبونيّ '.

[شجون آلبلوشي]

°°{{البارت الثاني ، الجزء الثالث}}°°

‏مايفهم عيون
الحزين الا الحزين
لو ما تلعثم
بالكلام ولا بكى
ولا يعرف الضيقات
والشوق الدفين
الا محبٍ سال دمعه
وما حكى.

فاطمة : صدقوني شيء وراكم !

ساره-تلفت-: ها ؟ ما شيء'

فاطمة : تطنزي حضرتج ها ؟

ساره-تضحك-: اشوفج '

فاطمه : معليه بنتفاهم ان شاء الله

ساره : معليش واللهي انا مشغوله شوي

فاطمة : اي شغل اليوم الاحد ؟

سارة : ها ؟ ماعلينا عطيني ترى حد بموت من الجوع

فاطمة : هذا بس اللي تفكري فيه ؟

عنود : بنات شو فيكم الا اتناقروا ؟

فاطمة : من البادي منا ؟

عنود : خلاص سويّ طاف '

فاطمه-لشجون-: شوفي هذاك المبنى اللي خبرتج عنه ؟ سكنات الطُلاب نحن هناك ما شيء فرق يعني والمسافة بسيطه'

شجون: هيه شفته ، حلو عيل ويصير بعدين انتقل معكم ؟

فاطمة : هيه ترى مُدة اقامتج فالفندق أسبوع الحد الاقصى عسب ترتبي امورج الثانيه'

شجون : ايواا فهمت عليج الحينه'

فاطمه : هيه وشو رأيج فالمنطقه ؟

شجون : حلوة وايد ، والجو وايد حلو '

فاطمه : يلاا عاد ان شاء الله تتأقلمي هنا '

شجون: ان شاء الله ، امم ممكن اسألج شيء ؟

فاطمة : هيه اكيد تفضلي بس خلا بنجلس بدل الوقفه'

-جلسوا في مكان بسيطه جنب البقاله ، طاولة واربع كراسي -

فاطمة: طيب شو كنتي بتسأليني ؟

شجون : متردده شويّ

فاطمة : عادي لا تستحي'

شجون : مدري كيف اقولج ؟

فاطمة-بتفكير-: امم ، عبدالعزيز!

شجون-بصدمه-: هآ ؟ هيه '

فاطمة : شو فيه ؟

شجون : يقربلج؟

فاطمة-بضحكه-: لا لا ، ليش ؟

شجون-بتفكير-: لا بس حسيت كأنكم تقربوا لبعض والله !

فاطمة: لا ابد بس عرفته هنا '

شجون : طيب كيف ممكن تخبريني ؟

فاطمه : هيه اكيد بس القصة طويلة ويحتاج لها جلسة عاد !

شجون : انتي مرتبطه بشيء الحين ؟

فاطمه : هيه شويّ الظهر بأخلص البروجكت

شجون : اوك حبيبتي مو مشكله، متى نقدر نلتقي مره ؟

فاطمة: هو بعدين من تظلم الدنيآ حظر تجول يصير '

شجون: طيب عادي بُكرا ؟

فاطمة: عندج سكايب ؟

شجون : هيه ليش ؟

فاطمة: عيل بكلمج فالليل منه عطيني ؟

شجون : طيب عطيني اكتبه لج بالفون

سارة-بمزح- : يالدنيا ، واحنا انزين ؟

شجون-تضحك-: من عيوني يلا سجلي

-اعطتهم حسابها سكآيب ، خلصوا اكلهم وتوادعوا -

شجون : صحيح فطوم ، العصر اقدر اطلع ؟

فاطمه : هيه عادي بس من تظلم الدنيا رجعي الفندق على طول

شجون: طيب حبيبتي لا تحاتي'

فاطمه-تبتسم-: يلا عاد صارت 12

شجون: يلا عيل ما بأخرك اكثر من كذي

فاطمه-تسلم عليها-: يلا متلاقين

شجون: على خير '

- راحوا الثلاثي وراحت شجون دخلت الفندق واخذت مفتاح الشقة وطلبت لها الغدا وصعدت لشقتها -

فتحت المذكره من جديد لنفس التآريخ اليوم الاول '

# اليوم الاول : مدينة صآخبه ليست كـ مدينتي لكن تُشبه صدري صآخب جداً بُكل تلك الاشياء التي آتيت بها من بلدي ذلك الذي آحببت فـ تركني وامي التي اختارها القدر من بين ملايين الاشياء فـ رحلت عني ابي ذلك الرجل العظيم اخي المُعلم الذي علمني اكثر من المادة التي كانت مّجال عمله وكُل صديقاتي اللاتي كُن كتاباً بالنسبه لي صفحاته دروس قآسيه حقاً كدفتر بالي يُتعب صاحبه في كُل مره يود تغيير الصفحه احداهن كانت درساً عظيماً جعلني مجموعة عُقد خُلاصتها ايمان بان لا وجود للصداقة العميقه كُلها سطحيآت ، على كُلاً احببت المدنيه وصخبها لعلها تُزاحم صدري ويعلو صخبها على صخب صدري فأنسى '.

# الباب يندق الغدا وصل ، فتحت الباب وتناولت الصحون ودخلت مره '

-تغدت وطلبت العامل من جديد يأخذ الصحون ، سمعت رسالة في فونها فتحتها :

* مساء الورد شجون ، شخبارج ؟ عسى ما ازعجتج اذا ما مشغوله فتحي السكايب شويّ بتكلم معاج -سارة ��'

- بدون تفكير شجون فتحت اللاب ودخلت سكآيب ووصلتها الدعوة قبلتها ثم جاء الاتصال واستلمت (فيديو) '

ساره : هلا والله ، منوره شخبارج ؟

شجون : ي هلا فيج نورج حبيبتي الحمدلله وانتي ؟

ساره : تسلمي انا بخير الحمدلله

شجون : مديمه ياارب

سارة : يدوم لج الخير -وبضحكه- بسنا رسميات ترى '

شجون-بضحكه-: لا لا عادي ما رسميات

سارة : انزين وخبريني كيف شفتي المكان؟

شجون : وايد حلو صراحه، بس يبيلي وقت اتعود على الجو

سارة-تضحك-: هيه يلاا بتتعودي

شجون : ان شاء الله ، واخبارج بعد ؟

ساره : و الله الحمدلله

شجون-بتنهيده-: الحمدلله'

ساره: فيج شيء ؟

شجون: لا لا ابد !

ساره: مدري احساسي يقول فيج شيء

شجون: لا تحاتي مافيني شيء ابد '

ساره: متضايقه من شيء صح ؟

شجون: لاتشغلي بالج حبيبتي'

ساره : معاذ ؟

شجون-بصدمه-: من ! معاذ ؟

ساره : هيه احكيلي !

شجون: ما شيء مهم صدقيني

ساره: وثقي الكلام حتى فطوم م رح يوصل لها

شجون-تفكر-

ساره: من هذا ؟

شجون: شو اقولج مدري والله'

ساره : تحبين ؟

شجون -سكتت-

ساره: عادي اعتبريني صديقتج وترى محد مايحب صدقيني

شجون-بصدمة-: انتي تقولي هالكلام؟

سارة-بضحكه-: هيه وش فيني؟

شجون: لا لا ابد -وضحكتت-

سارة : انزين وقولي لي ؟

شجون: امم شو اقول طيب ؟

سارة : كل اللي في خاطرج'

شجون: طيب من وين ابدأ ؟

سارة : اللي يريحج'

شجون : هيه طيب معاذ ولد عميّ-سكتت-

سارة : طيب ؟ وتحبوا بعض !

شجون-بحزن- : كنآ '

سارة : وشو صار ؟

شجون : قصة طويله-وسرحت بفكرها للماضي-

سارة وقتها كانت تتكلم بس شجون ماتسمع لها شو تقول ابدّ '
- دخلت عليها فاطمة فجأة -
# من الفزع صكت الجهاز بمرة وبشكل مشكوك فيه '

فاطمة: شو تسوي ؟

سارة-بإرتباك- : ها ؟ ولاشي'

فاطمة: عيل ليش صكيتيه فجأة ؟

سارة :لا بس كذا خلصت شغلي

فاطمة: صايرة تكذبي وايد

سارة: حشى عليي ماكذبت في شيء

فاطمة: معليه بـ يبان كل شيء بعدين'

سارة : وبتشوفي اني ما اكذبّ

فاطمة : بنشوف'

°°{{ مخرج}}°°

‏علئ رحيل الحلم ؟
يآ حلم مشكور ..
كل شي آشوفه حي :
بـ آحساسنآ مات ..
آنآ انكسرت وضآع عن
دربي ء النور !
آسف ..
علئ كل التعب
والمسافات !

[أشتاق للجنة]

يعطيك ربي العافيه
قصه جميييله♥
ننتظر التكمله

[شجون آلبلوشي]

يعطيك ربي العافيه
قصه جميييله♥
ننتظر التكمله

هلآ فيش آختي ()*
تسلمي ويعطيش العافيه
آلحين بينزل الجديد "